«Уруйдуубут Улуу Кыайыыны» муус устар 26 күнүгэр, Бороҕон нэһилиэгэр Улуу Кыайыы 80 сылынан, Россияҕа, Республикаҕа Аҕа дойдуну көмүскээччи, улууспутугар, нэһилиэккэ Тыа хаһаайыстыбатын сылларынан нэһилиэк түөлбэлэрин икки ардыгар, уус-уран самодеятельность кэнсиэрэ, сэрии, тыыл ветераннарын сырдатар быыстапка турда. Нэһилиэк олохтоохторо үс түөлбэҕэ арахсаллар. “Үрдэл” түөлбэ начальник Мария Винокурова, “Дьулуур” түөлбэ салайааччы Наталья Петухова, “Эрэл” түөлбэ  Прасковья Петухова. Быыстапканы сырдаттылар ветеран учуутал Зоя Ивановна Протопопова, краевед учуутал Акулина Степановна Сокольникова, библиотекарь Светлана Александровна Прудецкая, тыыл ветеранын оҕото Татьяна Дмитриевна Неустроева, социальнай үлэһит Анна Михайловна Парникова, ветеран сиэнэ Альберт Карлович Иванов сиһилии билиһиннэрдилэр, сэдэх экспонаттары сырдаттылар. Уопсай түмүк 3 көрүҥүнэн быһаарылынна. Ол курдук военизированнай эстафета, выставка, кэнсиэр түмүктэринэн быһаарыллан I миэстэни “Үрдэл” түөлбэ, II миэстэни “Дьулуур” түөлбэ, III миэстэни «Эрэл” түөлбэ ылан минньигэс тордунан, сертификатынан, лауреаттар грамотанан бэлиэтэннилэр.