Аҕа дойдуну көмүскүүр Улуу Кыайыы 80 сылын көрсө Россияҕа, Саха сиригэр Аҕа дойдуну көмүскээччилэр, Уус-Алдан улууһугар, «Бороҕон нэһилиэгэр»  тыа хаһаайыстыбатын сылларыгар аналлаах  «Өрөгөй» ыһыаҕа ыытылынна.

    Бэс ыйын 15 күнүгэр Бороҕон нэһилиэгэр , Аҕа дойдуну көмүскүүр Улуу Кыайыы 80 сылын көрсө Россияҕа, Саха сиригэр Аҕа дойдуну көмүскээччилэр, Уус-Алдан улууһугар, «Бороҕон нэһилиэгэр» тыа хаһаайыстыбатын сылларыгар аналлаах Өрөгөй ыһыаҕа тэрээһиннээхтик ыытылынна. «Ыһыах алгыһын куппар-сүрбэр иҥэрэн» ыһыах алгыһын сиэрин-туомун Саха Республикатын культуратын туйгуна, алгысчыт, ырыаһыт Виталий Очиров түһүлгэҕэ кэлбит ытык ыалдьыттары, нэһилиэк олохтоохторун алгыстаах тылынан  алҕаата-арчылаата. «Кымыс үрдүн охторуу» сиэрэ-туома ыытылынна, Бороҕон нэһилиэгин аҕа баһылыга Алексеев В. П. кымыс үрдүн охторорго анал чороону тутта. Бу кэннэ мустубут дьон-сэргэ кыынньар кымыһынан сүрэхтэрин сөрүүкэттилэр, самаан сайын үөрүүтүн  үллэстэн киин трибунаҕа ыһыах үөрүүлээх чааһыгар муһуннулар. Нэһилиэк Аҕа баһылыга Василий Петрович  Алексеев, сэрии кэмин оҕолоро Протопопова Зоя Ивановна, Барашкова Раиса Тихоновна  үрүҥ тунах ыһыах бэлиэтин Ытык Дуоҕаны астылар. Ыһыах эҕэрдэ кэнсиэрэ Кыайыы 80 сылыгар аналлаах «Айыллан» норуот тыйаатырын артыыстара «Кыайыы сырдык дьаралыга» театрализованнай дьүһүйүүнэн астылар. Бороҕон нэһилиэгин Аҕа баһылыга Алексеев В. П.  Улуу Кыайыы үбүлүөйдээх Өрөгөй ыһыаҕынан эҕэрдэтин тиэртэ, үлэлэригэр үөрэхтэригэр ситиһиилэммиттэри  чиэстээтэ, наҕараадалары туттарда.  Эҕэрдэ кэнсиэр үҥкүүнэн, ырыанан доҕуһуолланна, кэнсиэр киэргэлинэн  Саха республикатын культуратын туйгуна, алгысчыт, ырыаһыт Виталий Очиров ыллаан-туойан, күргүөм оһуокайы тэрийэн үгүс дьону муста.

    Ыһыах түһүлгэтигэр биир дойдулаахпыт, Республика  киэн туттар бастыҥ мецената, Уус-Алдан улууһун уонна Бороҕон нэһилиэгин  бочуоттаах олохтооҕо Петр Спиридонович Алексеев  ыраахтан кэлбит ытыктабыллаах ыалдьыттары, биир дойдулаахтарын ыһыах маанылаах аһынан, сибиэһэй буспут этинэн буор босхо күндүлээбитэ бар-дьону үөртэ, дьон-сэргэ махталын ылыан ылла. Ыһыах түһүлгэтигэр, нэһилиэкпит олохтоохторо сахалыы сиэринэн, түөлбэлээн олорон  ирэ-хоро, үөрэ-көтө  кэпсэттилэр.

Ыһыах  күрэхтэрин сэргии көрдүлэр, үөрүүлэрин үллэһиннилэр: түөлбэлэр икки ардыларыгар «Хоһуун үлэһит» эстафета 1 м «Эрэл» начальник Петухова П.М., 2 миэстэ «Дьулуур» начальник Капитонова Н. П., 3 миэстэ «Үрдэл» түөлбэ начальник Винокурова М. П. «Саха талба-мааны таҥаһа» күрэххэ 1 миэстэ Третьякова Туяра, 2 миэстэ Иванова Виолетта, 3 миэстэ Поисеев Айдар, 3 миэстэ Новикова Айыына. «Умнуллубат ол сыллар» хоһоон күрэҕэр 1 миэстэ Охлопкова Мария Ивановна, 2 миэстэ Халдеева Мария Романовна, 3 миэстэ Егорова Полина Прокопьевна, «Кыайыы оһуохайа» күрэххэ Кылаан чыпчаал Протопопова З.И, 1 миэстэ Бубякина В. С., 2 миэстэ Охлопкова М. И.  «Олоҥхо дойдутун оҕотобун» күрэххэ 1 миэстэ Мальцева Рема, 2 миэстэ Иванова Виолетта, 2 миэстэ Барашков Даниил, 3 миэстэ Макаров Арылхан, анал бириис Васильев Родион. «Көмүлүөк» үһүс саас оскуолатын чилиэннэрин көрдөрүүтүгэр нэһилиэк иистэнньэҥэ, «Якутия мастеровая» республиканскай быыстапкаҕа «Бастыҥ өбүгэ таҥаһа» номинация кыайыылааҕа Габышева А. Г. тикпит таҥастарын, үһүс саас оскуола чилиэннэрэ, маастар кылааска үөрэнэн тиктибит дьэрэкээн суумкаларын, өттүк симэҕин, түүлээхтэн киэргэтэн тикпит саҕаларын дефилета көрөөччү болҕомтотун тарта.  Маны таһынан ыһыах спортивнай күрэхтэригэр  араас улуустан спортсмен бөҕө кэлэн, күрэхтэһии республиканскай таһымнаах ыытылынна: сүүрүү, кыыс эккирэтиитэ, хапсаҕай, мас тардыһыы, массыына соһуу, таас көтөҕүү  күрэхтэр  ыраахтан чугастан кэлбит спортсменнары түмэн бэрт тыҥааһыннаахтык, көхтөөхтүк ааста. Спортивнай күрэхтэри иилээн-саҕалаан ыыттылар: Көҥүл тустууга уонна хапсаҕайга  республика  категориялаах судьуйа Васильев Юрий Петрович,  СР үөрэҕириитин туйгуна, хапсаҕайга спорт маастара Барашков Иван Иванович, нэһилиэк солбуйар баһылыга Протопопов Марсен Семенович, культура үлэһитэ Соловьев Ион Степанович, “Өйдөбүнньүк” түмсүү салайааччыта Сокольникова Акулина Степановна уо.д.а. Бары ыытыллыбыт күрэхтэргэ үбүлүөйдээх ыһыаҕынан сэрии ветераннарын, сэрии кэмин оҕолорун, тыыл, үлэ     ветераннарын ааттарын үйэтитэн  оҕолоро, сиэннэрэ, хос сиэннэрэ, аймахтар кыттыһан, спонсорство олохтоон Кыайыы ыһыаҕын таһымын үрдэттилэр. Ол курдук киэн туттар биир дойдулаахтарбыт ааттарынан күрэххэ “Хапсаҕайга” советскай –партийнай  үлэһит, Верховнай  Совет председателэ Шепелев Дмитрий Семенович аатынан-5000 сууммалаах    бирииһи Барашков Иван  Иванович, Кэбээйи райкомун секретара Находкин Александр Федорович аатынан бирииһи  уола Находкин Николай Александрович туруордулар.

  СВО-ҕа анал байыаннай дьайыыга Ийэ дойдуларын хорсуннук көмүскүү сылдьар,  патриот уолаттарбыт Прокопьев Георгий Егорович, Васильев Иннокентий Васильевич, Свешников Иннокентий Иннокентьевич, Захаров Василий      Васильевич, Ксенофонтов Пантелеймон Дмитриевич биирдии бэйэлэрэ, иккилии улахан бириистэри олохтоон биир дойдулаахтарын үөртүлэр, долгуттулар. Спонсорствоҕа Өлөөнтөн, Орто Халыматтан,Намтан, Дьокуускайтан,Хаҥаластан тиийэ, биир дойдулаахтарбыт, эдэр ыччаттар  ытык ветераннарбыт сырдык ааттарын үйэтитэн кыттыбыттара олус махталлаах. “Өйдөбүнньүк” нэһилиэкпит ытык ветераннарын оҕолорун, сиэннэрин общественнай түмсүүтэ Акулина Степановна Сокольникова салайааччылаах  дойдуга бэриниилээх буолууга, эдэр ыччаты иитиигэ, уһуйууга  үлэлэрэ, үтүө тылынан махталынан ахтылынна.

Киэһээ «Түмсүү» с/к Виталий Очиров, «Айыллан аартыктара» гастрольнай бөлөҕүн кэнсиэрэ олус истиҥник,  ытыс тыаһа доҕуһуоллаах ааста. Ыһыах уоттаах-күөстээх «Үрүҥ түүн» дискотекатын салҕаата шоумен Иннокентий Владимиров-Кештиано.

    Өрөгөй ыһыаҕын тэрээһинигэр күүс-көмө буоллулар олохтоох дьаһалта, нэһилиэкпит тэрилтэлэрин  салайааччылара,  “Көмүлүөк” үһүс саас оскуола, “Аал уот” аҕам саастаахтар түмсүүлэрэ, түөлбэ салайааччылара, нэһилиэкпит олохтоохторо. “Өрөгөй” ыһыаҕын  үрдүк таһымҥа тэрийэн ыыттылар “Түмсүү” сынньалаҥ киинин үлэһиттэрэ, кинилэргэ дьон-сэргэ олохтоохтор махталлара  улахан.

Виктория Барашкова, Валерий Гоголев хаартыскаҕа түһэриилэрэ, олохтоох дьаһалта тиксэриилэрэ.