Республикабытыгар общественнай үһүс саас оскуолата ахсынньы ый 25 күнүгэр 2012 сыллаахха тэриллэн, бэрэсэдээтэлинэн Прядезникова Пелагея Юрьевна ананан, күн бүгүҥҥэ диэри таһаарыылаахтык, аҕам саастаахтарга араас тэрээһиннэри, үөрэхтэри ыытан, күрэхтэри тэрийэн, эти сиини доруобуйаны бөҕөргөтүүгэ, чэбдигирдэр күнүскү сынньанар-эмтиир профилактикалыыр сыалтан, анал медицинскай клиника5а дневной стационар астаран, аҕам саастаахтар дуоһуйа сынньанан, араас култуурнай тэрээһиннэргэ кытталлар, ыллыыллар, үҥкүүлүүллэр, маастар кылаастарга сылдьан талааннарын арыйаллар. Сайыҥҥы бириэмэҕэ аҕам саастаахтарга сайыҥҥы лааҕыры сибиэһэй салгыҥҥа үлэлэтэн сынньаталлар.Биһиги улууспутугар үһүс саас оскуола общественнай түмсүүтэ биир бастакынан 2012сыллаахха тэриллэн,салайааччынан Бурнашева Домна Николаевна бастыҥнар ахсааннарыгар сылдьар. Билигин улууспут үгүс нэһилиэктэригэр үһүс саас оскуола филиаллара тэриллэннэр, интэриэстэринэн араас куруһуоктар, маастар кылаастар ыытылланнар дьаныардаахтык үлэлээн, саҥа талба талааннар арыллаллар, иискэ-ууска уһуйуллаллар, ааҕыы күрэхтэригэр көхтөөтүк кытталлар.
Бороҕон нэһилиэгэр “Көмүлүөк” үһүс саас оскуолата 2015сыллаахха тэриллэн, быйыл 2025сылга уон сыллаах юбилейнай тэрээһинин үрдүк таһымҥа бэлиэтээтэ. Кэлбит ыалдьыттары арыылаах алаадьынан, саламаатынан, быыппаҕынан күндүлээтибит.Тэрээһин үөрүүлээх аһыллыытын алгыс тылынан арчылаан, аал уоту арыылаах алаадьынан, саламаатынан айах тутан, сылгы үрүҥ сиэлинэн сыт таһааран, алгыс сиэрин-туомун ыытта , Саха Республикатын култууратын туйгуна, нэһилиэкпит “Аал уот” бэтэрээннэрин түмсүүтүн салайааччыта Петр Егорович Черкашин.
«Түмсүү» сынньалаҥ киинин фойетыгар «Көмүлүөк” үһүс саас оскуола уон сыллаах үлэтин сырдатар кинигэ быыстапката, талба талааннаах иистэнньэҥмин, улуус норуотун маастара Сардаана Иннокентьевна уус-уран оҥоһуктара, “Ньургун Боотур” олоҥхо дьоруойдарын кылынан-сиэлинэн паннота , бастыҥ тэлгэһэлээх, оҕуруотунан, сибэккинэн утумнаахтык дьарыктанар, иискэ ылсан үлэлэһэр Ирина, Петр Черкашиннар быыстапкалара, Татьяна Ксенофонтова араас дойду чаанньыктарын коллекциялара, Анна Алексеева, Галина Габышева оҕуруонан оҥоһуктара, эмтээх отторо-мастара, талба талааннаах иистэнньэҥнэр Татьяна Габышева, Наталья Петухова уран оҥоһуктара, хоббилара быыстапкаҕа көрдөрүүгэ туран хараҕы сымнаттылар, дьон-сэргэ болҕомтотун тартылар.
Ыраахтан кэлбит ыалдьыттарбыт кыбытыгынан тигэн быысабайдаан тикпит толору ат симэҕин комплегын туруорда Ирина Дьяконова , олбохтору, көбүөрдэри туруорда Светлана Константинова, кыл-сиэл оҥоһуктарын сэлээппэлэри,дэйбиирдэри , сөрүөнү быыстапкаҕа туруорда Альбина Колесова, кыл-сиэл, туос тойуга оҥоһуктарын туруорда Маргарита Пестерева, талба талаанынан хабах суумкалары, бэргэһэни тигэр, сапсыыкалары оҥорор дьарыктаах Анисия Дмитриева, кыбытыгынан дьарыктанар Гоголева Евдокия Петровна уо.д.а. үлэлэрэ быыстапкабытын киэргэттилэр.
Күнүс 2 чаастан юбилейнай тэрээһин торжественнай чааһа үөрүүлээхтик аһылынна.Сцена улахан экраныгар “Көмүлүөк” үһүс саас оскуолатын үлэтэ, ситиһиилэрэ медиапрезентациянан сырдатыллан көрдөрүлүннэ.
Бу үөрүүлээх тэрээһиммитигэр улуустан кыттыыны ыллылар, улуустааҕы үһүс саас оскуола салайааччыта, Саха Республикатын культуратын туйгуна Готовцева Матрена Гаврильевна.Российскай Федерация потреб.кооперациятын туйгуна, потреб кооперация Бочуоттаах үлэһитэ, Саха Республикатын Гражданскай килбиэн бэлиэ туһааннааҕа Колодезникова Мария Петровна, доруобуйа харыстабылын ветерана, Уус-Алдан норуотун маастара, Мүрү нэһилиэгин Бочуоттаах олохтооҕо Охлопкова Галина Семеновна, Уус-Алдан норуотун маастарын, Байаҕантай нэһилиэгин бочуоттаах олохтооҕо Саввина Любовь Николаевна, Уус-Алдан улууһун култууратын сайдыытыгар бэлиэ туһааннааҕа Лукина Валентина Захаровна, Уус-Алдан норуотун маастара, “Дьиэ кэргэн килбиэнэ” анал бэлиэ туһааннааҕа, Мүрү нэһилиэгин бочуоттаах олохтооҕо Охлопкова Галина Семеновна.
Ыраахтан кэлбит ыалдьыттарбыт Найахы нэһилиэгин “Утум” талба талааннаахтарын түмсүүтэ, салайааччы Саха Республикатын үөрэҕириитин туйгуна, Саха Республикатын Учууталлар учууталлара, Уус Алдан улууһун Найахы нэһилиэгин Бочуоттаах олохтооҕо, Уус Алдан улууһун норуотун маастара Чукрова Галина Алексеевна. “Утум” түмсүү солбуйар салайааччыта, Уус-Алдан улууһун уонна Саха сирин уус-уран оҥоһукка маастара Пестерева Маргарита Алексеевна, Уус-Алдан улууһун норуотун маастара, кылынан-сиэлинэн утумнаахтык дьарыктанар, культмассовай сектор Колесова Альбина Андриановна, Уус-Алдан улууһун норуотун маастара, кыбытыгынан, вышивканан дьарыктанар Дьяконова Ирина Афанасьевна, Кылынан-сиэлинэн, валяниенан дьарыктанар, спорду көҕүлээччи Константинова Светлана Иннокентьевна. Кыбытыгынан дьарыктанар Гоголева Евдокия Петровна, хабаҕынан суумкалары, бэргэһэни тигэр, оҥорор дьарыктаах Дмитриева Анисия Коммунаровна. Кэлбит ыалдьыттарбыт эҕэрдэ бастыҥын этэн туран, өйдөбүнньүк кинигэлэрин, харысхалларын бэлэх туттардылар, “Сайын кэлиитэ” ырыанан эҕэрдэлэрин тиэртилэр.
Нэһилиэкпит Аҕа баһылыга Алексеев Василий Петрович истиҥ эҕэрдэтин этэн туран, Уус -Алдан улууһун дьаһалтатын бочуотунай грамоталарын педагогическай үлэ ветераныгар, РФ үөрэҕириитин туйгунугар, учууталлар учууталларыгар, Бороҕон нэһилиэгин бочуоттаах олохтооҕор Новоприезжая Матрена Афанасьевнаҕа, "А.Р.Халдеева" аатынан модельнай олохтоох библиотека сэбиэдиссэйигэр Прудецкая Светлана Александровнаҕа, үһүс саас оскуола чилиэттэригэр эҕэрдэлэри, махтал суруктары үөрүүлээх чааска туттарда.
Улуустааҕы үһүс саас оскуола салайааччыта Готовцева Матрена Гаврильевна истицник эҕэрдэлээн туран улуустааҕы кииннэммит библиотека тиһигин, директор Иван Данилович Копырин аатыттан эҕэрдэ суругу, бэлэх кинигэни, улуустааҕы үһүс саас оскуола координационнай сэбиэтин эҕэрдэтин, бэлэх сертификатын, улуус тэрилтэлэрин салайааччыларын ааттарыттан эҕэрдэлэри туттарда.
«Көмүлүөк” үһүс саас оскуола общественнай түмсүүтүн аатыттан эҕэрдэлэр этилиннилэр, ырыалар ылланнылар, өйдөбүнньүк туттарылынна. “Аал уот “ аҕам саастаахтар түмсүүлэрин ааттыттан эҕэрдэтин тиэртэ, бэрэсэдээтэл Черкашин Петр Егорович, үөрүүлээх чааска “Түмсүү” сынньалаҥ киинин директора Сухонина Анастасия Егоровна эҕэрдэ суругу, өйдөбүнньук бэлэҕи туттарда.
Өбүгэ-мандар ииһин сөргүтээччи, тэнитээччи, нэһилиэкпит көмүс тарбахтаах иистэнньэҥэ, “Көмүлүөк” үһүс саас оскуола чилиэнэ, улууска ыытыллыбыт дьиэ кэргэнинэн сахалыы таҥас күрэҕин «Кылаан чыпчаал” үрдүк аатын кыайыылааҕа Габышева Анастасия Гаврильевна уустаан ураннаан түүлээхтэн, сукунаттан тикпит дьахтар,эр киһи, кыыс,уол сахалыы комплектарын, дьахтар халадаайдарын, өттүк симэхтэрин сценаҕа көрдөрдүлэр аймах-билэ дьоно, сиэннэрэ, үһүс саас оскуола чилиэттэрэ.
Улуус норуотун маастара Сардаана Иннокентьевна “Көмүлүөк” үһүс саас оскуола чилиэттэрин кыл-сиэл дьарыгар уһуйан, өрбүт таблетка бэргэһэлэрин, сапсыыкаларын, дэйбиирдэрин үһүс саас оскуола чилиэттэрэ хааман көрдөрдүлэр.
Юбилейнай тэрээһиҥҥэ эҕэрдэлэри, бочуотунай грамоталары, махтал суруктары ыытан, үөрүүбүтүн үрдэппит Республикатааҕы үһүс саас оскуола салайааччытыгар Прядезникова Пелагея Юрьевнаҕа, улуус дьаһалтатын баһылыгын эбээһинэһин толорооччу Артамонов Илья Юрьевичка, Бороҕон нэһилиэгин дьаһалтатыгар, аҕа баһылыкпытыгар Алексеев Василий Петровичка, улуустааҕы култуура управлениятын начальнигар Нафанаилов Сергей Сергеевичка, улуустааҕы кииннэммит библиотека директорыгар Копырин Иван Даниловичка, “Матери России” общественнай хамсааһын, улуустааҕы филиалын салайааччытыгар Аммосова Сусанна Семеновнаҕа, улуустааҕы кииннэммит балыыһа кылаабынай бырааһыгар Черкашин Сергей Гаврильевичка, социальнай харалта управлениятын салайааччытыгар Сергеев Иннокентий Иннокентьевичка, улуустааҕы кырдьаҕастар сэбиэттэрин бэрэсэдээтэлигэр Федоров Олег Федоровичка, ветеринарнай сулууспа начальнигар Жирков Степан Степановичка, тыа хаһаайыстыбатын управлениятын начальнигар Сивцев Николай Николаевичка, Тумул орто оскуолатын коллективар директор Копырин Константин Михайловичка, “Түмсүү” сынньалаҥ киинин директорыгар Сухонина Анастасия Егоровнаҕа, тэрээһиммитин киэргэппит ытыктабыллаах ыалдьыттарбытыгар, улуустааҕы үһүс саас оскуола салайааччытыгар Готовцева Матрена Гаврильевнаҕа, Бурнашева Домна Николаевнаҕа, “Утум” талба талааннаахтар түмсүүлэрин салайааччытыгар Чукрова Галина Алексеевнаҕа, Бороҕон нэһилиэгин “Аал уот” аҕам саастаахтар түмсүүлэрин бэрэсэдээтэлигэр Черкашин Петр Егоровичка, ветеран учууталларга Халдеева Мария Романовнаҕа, Новоприезжая Матрена Афанасьевнаҕа, Протопопова Зоя Ивановнаҕа , Попова Люция Петровнаҕа үһүс саас оскуола чилиэттэрин ааттарыттан барҕа махталбытын тиэрдэбит .Эһиги өйөбүлгүтүнэн көмөҕүтүнэн, юбилейдаах тэрээһиммит үрдүк таһымҥа ааста. Баҕарабыт эһиэхэ чэгиэн доруобуйаны, таһаарыылаах үлэни, аҕам саастаахтарга өрүү болҕомтоҕутун уураргытыттан үөрэбит, астынабыт, киэн туттабыт.
Сааһырдыбыт диэн олорон хаалбакка,талба талааммытын уһугуннаран,сөбүлүүр дьарыкпытыгар ылсан, дьон-сэргэ сэҥээрэ көрөр, сахалыы куттаах кэрэ оҥоһуктары айан-тутан, иис-уус абылаҥар ылларан, өбүгэбит ииһин сөргүтэн, мындыр айымньылаах сиэдэрэй үлэлэрбит, бар дьону сөхтөрө-үөрдэ сырыттыннар. Нэһилиэкпит, улууспут духуобунай сайдыытыгар, уопсастыбаннай олоҕор, сэмэй кылааппытын киллэрсэн, үрдүктэн үрдүк ситиһиилэр кэлэн истиннэр диэн алгыс тылларбытын аныыбыт.
