Бороҕон нэһилиэгин “Көмүлүөк” үһүс саас оскуола  уран тарбахтааҕа, улуус норуотун маастара Сардаана Стрекаловская, талба талааннаах иистэнньэҥэ Анастасия Габышева, улуус делегациятын састаабыгар киирэн, Нерюнгри куоракка Олоҥхо ыһыаҕар кыттыыны ыллылар.Ол курдук Олоҥхо ыһыаҕар , өбүгэ таҥаһын сөргүтэн тигиигэ Анастасия Гаврильевна - “Омук төрүт таҥаһа өбүгэ  төрүт анала”   II истиэпэннээх Дипломунан наҕараадаланан үрдүк ситиһиилэннэ.Сардаана Иннокентьевна Олоҥхо ыһыаҕар “Моһол ураһа” аһыллыытыгар алаадьы астааһыныгар, сиэригэр –туомугар кытынна, уус-уран быыстапкаҕа  кыл-сиэл оҥоһугун "Ньургун Боотур олоҥхо" геройдарын паннотун туруорда,“Тымырдаайы” өрүүтүгэр маастар кылаас ыытан, үгүс дьон сэҥээриитин ылла. Уус-уран быыстапканы  Ил Дархан А.С.Николаев, Ил Түмэн депутата А.Н.Жирков, култуура министрэ А.И. Ноев  сэргээн көрдүлэр, маастардар үлэлэрин билиһиннэриилэрин болҕойон иһиттилэр. Уус-Алдан делегацията  ыытыллар үгүс мероприятиеларга, күрэхтэргэ олус көхтөөхтүк кыттан үгүс ситиһиилэннилэр. Делегацияны салайда улуус култууратын управлениятын начальнига Сергей Сергеевич Нафанаилов. Олоҥхо ыһыаҕа сүрдээх тэрээһиннээхтик, үрдүк таһымҥа ыытыллыбытыттан  делегация кыттыылаахтара, ыалдьыттар, олохтоохтор олус астыммыттарын телевиденияҕа, радиоҕа интервью биэрбиттэрин  истэбит-көрөбүт үөруулэрин үллэстэбит.