Нам улууһун 2 Хомустааҕар Тумул, Баатаҕай Уус-Алдан улууһун комсомолларын хамаандалара, Комсомол күнүгэр  аналлаах "Эн Комсомол-мин дьолум" тэрээһиҥҥэ муһуннулар. Тэрээһин торжественнай чааһыгар комсомоллар монтаж аахтылар, музыкальнай эҕэрдэлэрин тиэртилэр. Баата5ай нэһилиэгин  библиотекара Августина Пермякова библиотекардарга "Республика чулуу дьоно" - Николай Тарскай кинигэтин бэлэхтээтэ. 70-80 сыллардааҕы комсомолецтар, 2 Хомустаах нэһилиэгин библиотекара Елена Слепцова ыыппыт  "Өркөн өй" биктэриинэтигэр  илин- кэлин түһүстүбүт. Дьүүллүүр сүбэ быһаарыытынан Тумул "Төлөн"  комсомольскай бөлөҕө- 1 миэстэни, Баатаҕай хамаандата  -2 миэстэни, 2 Хомустаах хамаандата-3 миэстэни ылары ситистибит.

  Тумул  "Төлөн" комсомольскай бөлөҕө истиэнэ хаһыатын, комсомол кинигэлэрин, оччотооҕу Ленинскэй комсомол значоктарын коллекциятын, комсомол атрибутикатын быыстапкаҕа  туруорда үлэ ветерана, комсомолка Анна Алексеева, "Саһарбыт страницалар кэпсииллэр" Элэһин ыччат- комсомольскай биригээдэтин,  биригэдьиир Копырин Д.Д. таһаарыылаах үлэлэрэ  библиотека фондатыттан туран, дьон- сэргэ болҕомтотун тарта. Комсомоллар салгыы спортивнай күрэхтэргэ :дартска, корнхолга, эстафетаҕа олус көхтөөхтүк кытыннылар, түмүккэ : 2 Хомустах -1 миэстэ, Баатаҕай-2 миэстэ,Тумул-3 миэстэ буоллулар. Хамаандаларга грамоталар ,өйдөбүнньүктэр туттарылыннылар. Бу тэрээһиҥҥэ ыраахтан кэлэн  кыттыбыт  ыалдьыттарга махтанан туран, солбуйар баһылык Сергей Саввич Никонов  нэһилиэк библиотекаларыгар 2 Хомустах краеведческай-историческай кинигэтин бэлэхтээтэ. Сынньалаҥҥа көхтөөх оонньуулар ыытылыннылар, кыайыылаахтарга бэлэхтэр туттарылыннылар.Тэрээһин кэнниттэн олохтоох библиотекаҕа, нэһилиэк музейыгар  экскурсияҕа сырыттыбыт, Кыайыы стеллатыгар өйдөбүнньүк чүмэчи  уматан уурдубут.Тэрээһинтэн астынан, үөрэн-көтөн кэллибит. Тэрээһини көҕүлээн , тэрийэн ыыппыт Нам улууһун 2 Хомустаах култууратын үлэһиттэригэр, сымнаҕас айаннаах   суоппардарбытыгар, бэтэрээн комсомолецтарга  Ил Ииһэ Хойоҥдоҕо, Иван  Иванович Барашковка  махталбытын тиэрдэбит.