Бороҕон нэһилиэгэр, «Түмсүү” норуот айымньытын киинигэр, сэтинньи 14 күнүгэр Республикаҕа биир бастыҥ көрдөрүүнү ситиспит “Лена” совхоз отделенияларын: Суотту,Тумул, Өлтөх, Сыырдаах, Курбуһах нэһилиэктэрин култууратын үлэһиттэрин көҕүлээһининэн, тыа хаһаайыстыбатын сылынан  тэрээһин  Бороҕон нэһилиэгиттэн саҕаланна. Нэһилиэк баһылыгын эбээһинэһин толорооччу Константин Копырин тыа хаһаайыстыбатыгар таһаарыылаахтык үлэлии сылдьар хаһаайыстыба салайааччыларыгар  махтанан туран, эҕэрдэлэри туттарда. Тэрээһиҥҥэ “Лена” совхоз Тумуллааҕы отделениятын сырдатар киэҥ быыстапка нэһилиэк музейын, библиотекатын фондаларыттан  турда. Норуот айымньытын киинигэр киэһэ 1967сыллаахха тэриллибит, “Лена” совхоз отделенияларын уус-уран самодеятельноһын холбоһуктаах кэнсиэрэ үрдүк таһымҥа ааста. Кэнсиэр  дириҥ-киэҥ ис хоһоонноох сценарийынан ыытылынна, ол курдук  отделениялар бастыҥ Маяк дьонноро, коммунистическай үлэ удаарынньыктара, производство бастыҥнара ахтыллан, сырдатылыннылар Түмүккэ бука бары күргүөмүнэн  Лена совхоз туһунан ырыаны ыллаан, оччотооҕу  сыллары, бастыҥ- маяк дьоннору ахтан-санаан  аастыбыт.