Бүгүн Ыам ыйын 1 күнүгэр Үлэ, Эйэ, Маай бырааһынньыгар Бороҕон нэһилиэгин түөлбэлэрин олохтоохторо, тэрилтэ үлэһиттэрэ, оскуола үөрэнээччилэрэ субуотунньукка көхтөөхтүк кытыннылар. Ол курдук “Эрэл” түөлбэ,сал: Прасковья Петухова,”Үрдэл” түөлбэ сал: Мария Винокурова,  “Дьулуур” түөлбэ сал: Наталья Капитонова  түөлбэ олохтоохторун күргүөмүнэн субуотунньукка тахсыыларын көҕүлээтилэр. Нэһилиэкпит уулуссаларыттан саҕалаан, тэрилтэлэр тастарын, сынньалаҥ пааркатын ырааһырдыыга үлэлэр ыытылыннылар.Түөлбэлэр  уулуссаларыгар хомуллубут бөҕү тиэйиигэ, солбуйар баһылык Марсен Протопопов анал трактордары сыһыаран, трактористар: Гаврил Алексеев, Сергей Алексеев, Семен Мальцев тута тиэйэн күүстээх үлэни  ыыттылар. Үлэ дьонугар сылаас чэйинэн, итии борщтаах миини астаан күндүлээтилэр “Түмсүү” сынньалаҥ киинин  үлэһиттэрэ: Андрей Макаров, Мария Васильева, сынньалаҥҥа  араас күрэхтэр ыытылыннылар.Ол курдук сылын аайы традиция буолан ыытыллар сымыыт харсыһыннарыыта бэрт интэриэһинэйдик, элбэх киһини хабан көхтөөхтүк ыытылынна.Кыайыылааҕынан Татьяна Ксенофонтова  таҕыста,кини олохтоох дьаһалта туруорбут 1 лоток сымыытынан наҕараадаланна. Плов астааһынын күрэҕэ бэрт тыҥааһыннаахтык ыытылынна, бу күрэх көҕүлээччитэ Трофим Шепелев буолар. Кыттааччылар хамаандаҕа иккилии буолан астаатылар:Владимир Алексеев, Афанасий Габышев уонна  Трофим Шепелев, Иван Иванов хамаандалара илин-кэлин түһүстүлэр. Уолаттар бары да түргэн-тарҕан туттунуулаахтарын, бары быраабыланы тутуһан, ис сүрэхтэриттэн кыһаллан туран астаатылар.Күрэх аата курэх.., күрэҕи сыаналаатылар уопуттаах повардар Галина Алексеева, Наталья Капитонова. Дьүүллүүр сүбэ быһаарыытынан 1 миэстэни Владимир Алексеев, Афанасий Габышев ылан, улууспут мебельнай маҕаһыынын хаһаайына  Бурцев Николай Гаврильевич олохтообут  бирииһинэн наҕараадаланнылар. Күүстээх үлэ кэнниттэн, сибиэһэй салгыҥҥа сынньалаҥ пааркатыгар  үөрэ-көтө минньигэс плову амсайан үөрүүбүт өссө үрдээтэ.Төрөөбүт төрүт түөлбэбит  ыраас, үүнэ-чэчирии сайдарын туһугар –бары  биир сомоҕо буолан үлэлээн, нэһилиэкпит өрүү ыраас, тупсаҕай көстүүлээх буоларыгар кыһаллыаҕын!