Саха Саарына, Саха сирин либеральнай-демократическай интеллигенциятын бас-көс киһитэ, бөдөҥ уопсастыбаннай-политическай деятель, сырдатааччы В.В. Никифоров-Күлүмнүүр 160 сылыгар аналлаах декада чэрчитинэн , ыам ыйын 18 күнүгэр  «А.Р. Халдеева» аатынан нэһилиэк библиотекатыгар библиотечнай уруоктарга ”В.М. Прокопьев” аатынан Тумул орто оскуолатын  2, 4, 5 кылааһын үөрэнээччилэрэ, учуутал Раиса Егоровна Софронова сырыттылар. Үөрэнээччилэр “В.В. Никифоров-Күлүмнүүр уонна народнай библиотека” медиапрезентацияны көрдүлэр, бэсиэдэни иһиттилэр. Хамаандаларынан “Саха Саарына” интеллектуальнай оонньууга кыттан, боппуруостарга эппиэттээн билиилэрин тургуттулар. “Күлүмнүүр үтүө аата үйэлэри уҥуордуур” кинигэ быыстапкатын билистилэр, библиотечнай уруокка уопсайа 27 үөрэнээччи, 1 учуутал сырытта.

   Декада чэрчитинэн бугун нэһилиэк библиотекатыгар Саха Саарына В.В.Никифоров-Күлүмнүүр 160 сааһыгар аналлаах тэрээһин улахан дьоҥҥо ыытылынна.Тэрээһиҥҥэ кыттыыны ылла В.В. Никифоров-Күлүмнүүр  сыдьаана Петухова Наталья Сергеевна. Наталья Сергеевна оччотооҕу кэм историятын сырдатан ахтыы оҥордо. Медиапрезентация сырдатылынна, "Саха Саарына"  интеллектуальнай оонньуу ыытылынна кыайыылааҕынан Протопопова Зоя Ивановна ааттанан  анал бирииһинэн наҕараадаланна, тэрээһин бэрт сэргэхтик ааста.