Космонавтика күнүнэн космоска үлэлээбит биир дойдулаахтарбытын ахтан сэгэтэн аастыбыт . Биир дойдулаахпыт Алексеева Дария Степановна Мүрү орто оскуолатын кыһыл көмүс медалиһа. Дария Степановна Казахстаннааҕы химико-технологическай институту кыһыл дипломунан бүтэрбитэ. Казахстаҥҥа өр сылларга Экологическай отдел начальнигынан үлэлээбитэ. Байконурга космонавтика сайдыытыгар үгүс үлэлэри ыытыһан , космотавтика сайдыытыгар кылаатын иһин анал бэлиэлээх. Биир дойдулаахпыт Алексеев Семен Семенович-Сэмэкэ. Армияҕа Тиксии тутуутугар (погран авиапорт) үлэлии сырыттаҕына, 18 күүстээх , доруобай уолаттары таланан, самолетунан илдьэн истиэпкэ түһэрбиттэр Бункер тутуутугар. Икки сыл сылдьыбытын кэннэ, гостайнаҕа (25 сыл кимиэхэ да кэпсиэ суохтаах) илии баттатан баран, төттөрү Тиксиигэ аҕалбыттар .Онтон демобилизацияламмыттар .Биир дойдулаахпыт Мордовской Константин Семенович идэтинэн летчик. Байконурга түспүт уопсай хаартыскаҕа үһүс эрээккэ уҥаттан төрдүс турар. Бу дьон бары Байконурга үлэлээбиттэр эбит. Сырдатыылары оҥордулар Сокольникова А.С., Мордовская Р.И.