Информация о материале

Автор: Super User

 Олунньу 27 күнүгэр  Иэйэхсит Хотун уонна Улуу Кыайыы 80 сылынан Бороҕоҥҥо  «Уус-Алдан уран уустарын түһүлгэтэ” улуустааҕы көрүү  күрэххэ ,Бороҕон нэһилиэгин үһүс саас оскуолатын филиалыттан уран тарбахтаах иистэнньэҥнэрбит Стрекаловская Сардана Иннокентьевна, Габышева Анастасия Гаврильевна уус-уран оҥоһуктарынан кытыннылар. Ол курдук Сардаана Иннокентьевна кылынан-сиэлинэн 2016 сылтан утумнаахтык дьарыктанан үгүс быыстапкаларга ситиһиилээхтик кыттар. 2022 сыллаахха Республиканскай  “Якутия мастеровая” быыстапкаҕа кылынан-сиэлинэн “Дьулуруйар Ньургун Боотур” олоҥхо геройдарын уустаан ураннаан оҥорон ,Региональнай күрэххэ 3 бочуоттаах миэстэни ылбыта.Бу күрэххэ Москваттан, Алтайтан,Туваттан уонна атын регионнартан кыттааччылар элбэх этилэр. 2019с Россия Рен ТВ каналыгар Сардаана Иннокентьевна кылтан-сиэлтэн тымырдаайы өрүүтүгэр маастар кылааһы ыытан, быыстапкалаан, саха норуота өбүгэттэн илдьэ кэлбит ииһин көрдөрбүтэ. Нэһилиэкпитигэр, улууспутугар ыытыллар уус-уран быыстапкаларга ситиһиилээхтик кыттан бириистээх миэстэлэри ылары ситиспитэ.Бу улуустааҕы уустар түһүлгэлэрин көрүү күрэх аһыллыытыгар Сардаана Иннокентьевна Стрекаловскаяҕа Уус-Алдан норуотун маастарын знагын, удостоверениятын үөрүүлээх быһыыга туттардылар. Өбүгэ үгэһин сөргүтэн талба талааннаах иистэнньэҥмит Анастасия Гаврильевна Габышева түүлээхтэн дьахтар толору комплегын тигэн, сүдү үлэтэ быыстапкаҕа туран үрдүк сыанабылы ылан “I Үрдэл” кыайыылааҕынан ааттанна.Бу улахан үлэтин эрдэттэн былааннаан, материалын булан, эскиһин уруһуйдаан, ойуутун-бичигин толкуйдаан оҥорбута хас биирдии көрөөччүнү сөхтөрдө.Анастасия Гаврильевна олох оҕо сааһыттан иискэ уһуйуллубута. Ол курдук дьахтар халадаайдарын, эр киһи ырбаахыларын, сахалыы сон комплектарын, түүлээхтэн бэргэһэлэри,унтуулары,үтүлүктэри, этэрбэстэри, түүлээх соннору уо.д.а тигэн үгүс быыстапкаларга кыттан кыайыылаахтарынан буолбута.

      Сардаана Иннокентьевна, Анастасия Гаврильевна улууска үһүс саас оскуола төрүттэммитэ 10 сыллаах юбилейнай тэрээһинигэр , улахан быыстапкаҕа кыттан дьон-сэргэ сэҥээриитин ылан, улуус дьаһалтатын бочуотунай грамотатынан, махтал суругунан бэлиэтэммиттэрэ. Иккиэн нэһилиэк үһүс саас оскуолатын чилиэннэрэ, олус көхтөөхтөр.Үһүс саас оскуола чилиэннэригэр үгүс маастар кылаастары ыыттылар. Ол курдук кыл-сиэл оҥоһуктарыга таблетка бэргэһэлэри өрүүгэ, сапсыыка, тымырдаайы оҥоруутугар, дьахтар хаппар киэргэлин симэҕин тигиитигэр,сахалыы сумочкалары, олбохтору тигиигэ уо.д.а. Үһүс саас оскуола чилиэннэрэ бу оҥоһуктарынан,” Самаан сайын ыһыаҕар”, “Аҕам саастаахтар ыһыахтарыгар”,”Аҕам саастаахтар Саҥа дьыллааҕы көрсүһүүлэригэр”- “Сахалыы таҥастаах дефиле” көрдөрөн хаампыттара тэрээһини киэргэппитэ. Уран тарбахтаах иистэнньэҥнэрбитин Сардаана Иннокентьевнаны, Анастасия Гаврильевнаны үрдүк наҕараадаларынан, Республикабытыгар Норуот маастарын бырааһынньыгынан  үһүс саас оскуола  аатыттан эҕэрдэлиибит. Бар дььоҥҥутун иис алыптаах иэйиитигэр уһуйан, иистэр-уустар, норуот маастардара үүнэн сайдан истиннэр.

Информация о материале

Автор: Super User

Бороҕон нэһилиэгин сельскай библиотекатыгар "Ийэ тыл, сурук-бичик" күнүгэр, Республиканскай акциянан сахалыы дьыктаан ыытылынна. Ол курдук "Ийэ тыл, сурук-бичик" күнүн быыстапканан билиһиннэрии, сырдатыы оҥоһулунна. Дьыктаан Тимофей Сметанин "Кыайбыттар ыһыахтара" тиэкиһиттэн быһа тардан суруттарылынна. Бэрэбиэркэ түмүгүнэн Кондакова Валентина Васильевна, Черкашина Ирина Иннокентьевна, Протопопова Зоя Ивановна "туйгун" сыанаҕа суруйдулар, атыттар үчүгэй сыаналары ыллылар. Дьыктаан кэнниттэн "Квиз оонньуу- Ийэ тыл" күнүгэр ананан ыытылынна. Кыайыылаахтарынан Протопопова З.И.-1 миэстэ, Черкашин П.Е.-2миэстэ, Кондакова В.В.-3 миэстэлэри ыллылар. Кыайыылаахтарга, кыттыбыттарга "Добун", "туоһу" суруктар туттарылыннылар.

Тумул орто оскуолатын үөрэнээччилэригэр "Ийэ тыл, сурук-бичик" күнэ торжественнай линейкаттан саҕаланна. Саха тылын учуутала Барашкова Нь.К. "Ийэ тыл" күнүгэр аналлаах сырдатыы оҥордо. Үөрэнээччилэр сахалыы хоһооннору аахтылар, хомустаатылар, ыллаатылар. Олохтоох  библиотека сэбиэдиссэйэ Прудецкая С.А. "Ийэ тыл" күнүгэр аналлаах быыстапканы сырдатта, олохтоох ааптар Н.А. Аржакова-Иванова, ийэ тыл күнүгэр анаан айбыт "Айыллыы"  хоһоонун аахта. Оҕолорго Республиканскай акциянан ыытыллар " Таптыыр сахам тылынан" дьыктаан хайдах ыытыллыахтааҕын билиһиннэрдэ. Уопсайа дьыктаанҥа 44 үөрэнээччи көхтөөх кыттыыны ыллылар. Бастыҥ 4 үлэ улуус  библиотекатын оҕо ааҕар киинигэр ыытылынна.

Информация о материале

Автор: Super User

    В селе Борогонцы Усть-Алданского улуса  во дворце спорта имени Николая Тарского 15-16 февраля проведена  Республиканский турнир "Халдеев хапса5айа" памяти заслуженного тренера ЯАССР, мастера спорта СССР, РСФСР,ЯАССР почетного гражданина Усть-Алданского улуса Халдеева Иннокентия Андреевича. В соревновании участвовали 270 спортсменов, среди  них именитые хапсагаисты Юрий Старостин, Евгений Алексеев, Николай Николаев  и т. д. По итогам республиканского турнира, абсолютный чемпион Евгений Алексеев .

Информация о материале

Автор: Super User

   СР култууратын духовнай сайдыытын миниистирэ  Ноев Афанасий Иванович салайааччылаах делегация, улуус тэрилтэлэрин салайааччылара  Бороҕон нэһилиэгин олохтоохторун кытта көрүстэ. Нэһилиэк олохтоохторо, сүрүн туруорсар кыһалҕалара саҥа оскуола тутуллуута. Тыа дьонун сүрүн боппуруоһа ититии систематыгар холбонуу, олохтоохтор  нэһилиэк аҕа баһылыгар Алексеев В.П., ЖКХ үлэһиттэригэр  махталларын биллэрдилэр. Нэһилиэнньэ  бензин ыараабытынан, гааһынан заправкалыыр  станция кыалларын туоһуластылар, аҕам саастаахтар сүөһүлэрин эһимээри , кооперациялааһыны  эдэр ыччаттарга үлэ миэстэтин таһааран, подсобнай хаһаайыстыбалары  тэрийиини туруорустулар. Туһааннаах салайааччылар бу боппуруостарга  улуус салалтата үлэлэһэ сылдьалларын туһунан эттилэр. Култуура миниистирэ Афанасий Иванович култуура тэрилтэлэригэр , "Түмсүү "сынньалаҥ киинигэр, "А.Р. Халдеева"- аатынан нэһилиэк модельнай библиотекатыгар, музейга сылдьан үлэни хамнаһы билистэ. Тумуккэ Правительство отчетун истэн баран, олохтоохтор учугэйинэн сыаналаатылар.