Бороҕон нэһилиэгэр «Түмсүү» сынньалаҥ киинигэр, алтынньы 9 күнүгэр, өр сылларга Бороҕон нэһилиэгэр баһылыгынан талыллан таһаарыылаахтык үлэлээбит, нэһилиэкпит, улууспут дьонун сэргэтин, үрдүк итэҕэллэрин ылан улуус баһылыгын дуоһунаһыгар талыллыбыт Василий Петрович Алексеевка анаан нэһилиэк олохтоохторун, депутаттарын, тэрилтэлэрин, общественноһын аатыттан «Махтал киэһэтэ» дьоро тэрээһин үрдүк таһымҥа ааста.Тэрээһин аһыллыытыгар алгыс сиэрин-туомун ыытта, краевед учуутал Акулина Сокольникова. Тэрээһин үөрүүлээх чааһыгар Тумул орто оскуолатын 3 кылааһын үөрэнээччилэрэ «Улуу төрүппүт Сэһэн Ардьакыап» хоһоону доргуччу аахтылар, салайааччылар Сокольникова А.С.,Аввакумова Л.М. Биир дойдулаахпыт, убаастыыр салайааччыбыт Василий Петрович Алексеев үөһээ үктэлгэ тахсыбытынан истиҥ иһирэх тылларын, махталларын тиэртилэр «Бороҕон нэһилиэгин тыа сирин түөлбэтэ», солб.баһылык Марсен Протопопов, нэһилиэкпит депутаттарын ааттарыттан Татьяна Новоприезжая, «В.М. Прокопьев» аатынан Тумул орто оскуолатын коллектива, директор Константин Копырин, үөрэнээччилэр ааттарыттан Витя Поротов, «Түмсүү» сынньалаҥ киинин коллектива , директор Анастасия Сухонина, дьиэ-уот коммунальнай хаһаайыстыба, начальник Николай Копырин, «Е.А. Черкашин» аатынан Тумул врачебнай амбулаториятын коллектива, сэбиэдиссэй Раиса Пермякова, «Тумулчаана» оҕо саадын коллектива, методист Лидия Барашкова, «А.Р. Халдеева» аатынан нэһилиэк сельскай библиотеката, «Көмүлүөк» үһүс саас оскуолата, библиотекарь Светлана Прудецкая, » Аал уот» аҕам саастаахтар түмсүүлэрэ, салайааччы Петр Черкашин, оскуолаҕа бииргэ үөрэммит кылааһын оҕолоро уо.д.а. Үөрүүлээх киэһэҕэ махтал маанытын этэн туран, эҕэрдэ ырыалар ылланнылар.
Василий Петрович бииргэ алтыһан, өр сылларга үлэлээбит олохтоох дьаһалта специалистарыгар, нэһилиэк тэрилтэлэрин салайааччыларыгар, быыбарга үлэлэспит өйүүр бөлөххө махтанан туран өйдөбүнньүктэри туттарда. Инникитин да бииргэ сомоҕолоһон үлэлииргэ санаатын үллэһиннэ.
Биир дойдулаахтара, нэһилиэк олохтоохторо, улууспут аҕа баһылыга Василий Петрович Алексеев саҥа саҕахтары арыйдын, эппиэтинэстээх үлэтигэр үрдүктэн үрдүк чыпчааллары дабайан истин диэн алгыс тылларын анаатылар. Улууспут инники сайдыытыгар биир сомоҕо буолан, кэскиллээҕи кэрэһэлээн, үйэлээ5и үйэтитэн түмсүүлээхтик үлэлээн, көмө -тирэх буолуохпут диэн баҕа санааларын этэн туран , И. Халдеев тылларыгар, И. Алексеев мелодиятыгар «Тупса турдун Тумул сирэ » ырыаны күргүөмүнэн толорон, уопсай хаартыскаҕа түһүүнэн тэрээһин түмүктэннэ.
