Информация о материале
  Бороҕон нэһилиэгэр " Түмсүү" норуот айымньытын киинигэр, култуура үлэһиттэрин көҕүлээһиннэринэн " Олоҕум көмүс күһүнэ" аҕам саастаахтар күннэрэ "Култуура уонна норуоттар Сомоҕолоһууларын" сылларыгар ананна. Тэрээһин үөрүүлээх чааһыгар эҕэрдэлэрин тиэртилэр  социальнай үлэһит Анна  Парникова , " Аал уот" кырдьаҕастар түмсүүлэрин салайааччыта Петр Черкашин эҕэрдэлээн туран 80 сааһынан нэһилиэк  ытык кырдьаҕаһыгар  Мария  Габышеваҕа өйдөбүнньүк бэлэҕи туттарда. 
    Истиҥ эҕэрдэтин тиэртэ "А.Р.Халдеева" аатынан нэһилиэк библиотекатын сэбиэдиссэйэ, " Көмүлүөк" үһүс саас оскуола салайааччыта Светлана Прудецкая  - " Култуура духуобунас сайдыыта" - кинигэ быыстапкатын  туруоран сырдатта, биктэриинэ ыытылынна  кыайыылаахтарынан  Акулина Сокольникова, Василий Новоприезжай  ааттанан  анал бириистэринэн бэлиэтэннилэр.
" Көмүлүөк' үһүс саас оскуола үгэс быһыытынан  үөрэҕин дьылын арыйар алтан чуораана лыҥкыныы тыаһаата.
Литературнай чааска  айар куттаах биир дойдулаахтарбыт Александра Гаврильева, Евгения Габышева  хоһуйбут хоһооннорун  Акулина Сокольникова ааҕан иһитиннэрдэ.
Норуоттар сомоҕолоһууларын сылынан култуура үлэһиттэрэ аҕам саастаахтарга үгүс күрэхтэри  ыыттылар. Ол курдук араас дойду норуоттарын бүлүүдэлэригэр, таҥастарыгар, ону таһынан көрдөөх оонньууларга,  сэбиэскэй кэминээҕи үҥкүүлэринэн ырыаһыттары, ырыалары таайыы уо.д.а күрэхтэр көхтөөхтүк ыытылыннылар. Итии чэйдээх, минньигэс астаах сандалы тула олорон, санаа атастастыбыт.Күрэх ыайыылаахтарыгар бука барыларыгар бириистэр туттарылыннылар. Күһүҥҥү фотозонаҕа өйдөбүнньүк хаартыскаҕа түһүү, култуура үлэһиттэрин истиҥ эҕэрдэ нүөмэрдэрэ тэрээһини киэргэттилэр.Тэрээһинтэн аҕам саастаахтар  астынан-дуоһуйан тарҕастылар.
            
          
       
          
 

Информация о материале

    "Ытык сир-Кыһыл Кырдал" кинигэ презентацията Хоноҕорго култуура киинигэр, С.С. Васильев аатынан улуустааҕы кииннэммит библиотека ааҕар саалатыгар үрдүк таһымҥа ыытыллыбыттара. Презентацияҕа нэһилиэктэртэн кырдьаҕастар сэбиэттэрин бэрэссэдээтэллэрэ кыттыыны ылбыттара. Бороҕон нэһилиэгиттэн кырдьаҕастар сэбиэттэрин бэрэссэдээтэлэ П.Е. Черкашин кыттыыны ылбыта. Киэҥ -дириҥ историялаах, Суотту нэһилиэгин ытык сириттэн фронҥа  барааччылары түмэн, байыаннай үөрэххэ бэлэмнээн, уоттаах сэриигэ атаарбыттарын туоһулуур докумуоннардаах, ахтыылар хомуллан   бу кинигэҕэ үйэтиллибиттэрэ. Нэһилиэкпит кырдьаҕастарын сэбиэтигэр 3 кинигэ бэриллибититтэн: 1 кинигэни нэһилиэк музейыгар, 1 кинигэни олохтоох дьаһалтаҕа бэлэх ууннубут, 1 кинигэ кырдьаҕастар сэбиэттэригэр үйэтитиигэ бэрилиннэ. Бу үйэлээх кинигэҕэ  Улуу Кыайыыны уһансыбыт, хорсун-хоодуот   буойуттарбыт тустарынан матырыйааллары, оччотооҕу  ыар кэрдиис кэмин, ахтан санаан ааһын. Нэһилиэк библиотекатыгар  " Ытык сир-Кыһыл Кырдал"кинигэ сырдатыллан ааҕааччы киэҥ араҥатыгар ананна.

                                                                                                                 

             

Информация о материале

   "А.Р.Халдеева" аатынан Бороҕон нэһилиэгин библиотекатыгар СӨ судаарыстыбаннаһын күнүгэр аналлаах, алын сүһүөх кылаас үөрэнээччилэригэр  тэрээһин ыытылынна. Тэрээһиҥҥэ  нэһилиэк музейын салайааччыта  Акулина Степановна Сокольникова " Символика тамг и знамен на печатях якутских князей" медиаслайданан сырдатан , музей фондатыттан Саха АССР 50 сылыгар ананан тахсыбыт суруктаах иһиттэри кэпсээтэ.

Биир дойдулаахпыт, поэт, государственнай деятель, П.А. Ойуунускай аатынан Республиканскай бириэмийэ лауреата С.С. Васильев -Борогонскай олоҕун, айар үлэтин медиапрезентациянан сырдатан , " Мин Республикам-мин киэн туттуум" кинигэ быыстапкатын туруоран билиһиннэрдэ,  библиотекарь Светлана Александровна Прудецкая Түмүккэ үөрэнээччилэр С.С. Васильев хоһоонноруттан быһа тардан  күргүөмүнэн ааҕыыга кытыннылар, боппуруостарга эппиэттээтилэр. Уопсай 34 киһи 4 учуутал, 26 үөрэнээччи сырытта .

                                                                                             

 

Информация о материале

       Бэс ыйын 20 күнүгэр  Бороҕон нэһилиэгэр Россияҕа « Норуоттар сомоҕолоһууларын», Саха Республикатыгар “Култуура”, Уус Алдан улууһугар « Түмсүү уонна бииргэ буолуу», нэһилиэкпитигэр «Үтүө санаа уонна өйөбүл”  сылларын чэрчитинэн, Үрүҥ Тунах ыһыахпытын  биир ситиминэн,  күргүөмүнэн  тэрээһиннээхтик өрө көтөҕүллэн туран ыллыбыт. Үрүҥ Тунах ыһыахха « Ыһыах алгыһын куппар-сүрбэр иҥэрэн  “Түмсүү”  НАК айымньытын  киинин иһинэн үлэлиир  “ Айыллан”» норуот театрын режиссера Андрей Макаров,  алгыс сиэрин-туомун толорон алгыстаата- арчылаата. Айыыларбытыгар ытык өбүгэлэрбитигэр сүгүрүйэн- Алгыс ылан  ыраастанан ,арчыланныбыт.  “Кымыс үрдун охторуу» сиэрэ- туома ыытыллар түһүлгэтигэр  Бороҕон нэһилиэгин баһылыгын эбээһинэһин толорооччу Константин Михайлович Копырин кымыс үрдүн охторорго анал чороону туттарда, музыкальнай эҕэрдэтин тиэртэ Лилиана Петухова. Торжественнай чааска  нэһилиэк баһылыгын эбээһинэһин толорооччу Константин Михайлович Үрүҥ тунах ыһыах бэлиэтин Ытык Дуоҕаны  дьоһуннаах миэстэтигэр  туруорда. Самаан сайын кэлбитинэн истиҥник эҕэрдэлээн туран, үлэҕэ ситиһиилээхтэри  чиэстээн, үрдүк наҕараадалары үөрүүлээх быһыыга туттарда.Эҕэрдэ кэнсиэр үҥкүүнэн, ырыанан доҕуһуолланна.Республикаҕа култуура сылын, улууспутугар  «Түмсүү уонна бииргэ буолуу” сылларын чэрчитинэн «Көмүлүөк» үһүс саас оскуола чилиэттэрэ,  “ Якутия мастеровая”  сахалыы таҥастаах сэлэлээн хаамыы кыттыылаахтара сукунаттан тигиллибит сахалыы соннорун, маны сэргэ Бороҕон нэһилиэгин  иистэнньэҥэ, Уус-Алдан норуотун маастара Анастасия Габышева түүлээхтэн тикпит таҥастарын дефилета көрөөччү дьүүлүгэр таҕыста. Эҕэрдэ кэнсиэр оһуохайынан түмүктэннэ, оһуохайы таһаарда  “ Оһуохай сайдыытыгар аарыма кылаатын иһин”  бэлиэ хаһаайката, оһуохайы этээччи Татьяна Габышева.

      Нэһилиэк олохтоохторо, ыалдьыттара ыһыах мааны түһүлгэтигэр, сандалы тула түөлбэлээн олорон,  ирэ-хоро сэһэргэстилэр, ыһыах күрэхтэрин сэргии көрдүлэр. Түөлбэлэр икки ардыларыгар  Норуоттар сомоҕолоһууларын сылыгар ананан ыытыллыбыт араас норуоттар бүлүүдэлэригэр, түһүлгэни киэргэтиигэ күрэхтэр ыытылыннылар.Көрүү түмүгүнэн 1м “Үрдэл” начальник Мария Винокурова, 2м “Дьулуур” начальник Наталья Капитонова, 3м  “Эрэл” начальник Прасковья Петухова. Улахан дьоҥҥо “Эллэй эһэбит саҕаттан” оһуохай күрэҕэр  “Кылаан чыпчаал” Зоя Ивановна Протопопова,  2 м ыалдьыппыт Мария Тютрина, оҕолорго “Долгуннурар уһун суһуох” ыытылынна. “Кылаан чыпчаал” Уйгулаана Аржакова, 2м Тоня Шепелева, 3м  Люба Новоприезжая ылары ситистилэр. Ыһыах спортивнай күрэхтэрэ : хапсаҕайга, мас тардыһыытыгар, сүүрүүгэ, таас көтөҕүүтүгэр илин-кэлин түһүстүлэр. Күрэхтэһии сүрүн спонсордара биир дойдулаахтарбыт : Анатолий Татаев, ИП Дмитрий Копырин, Петр Черкашин, Владислав Мухин, ИП Владимир Барашков, Акулина Сокольникова, Евгений Алексеев, ИП Иннокентий Москвитин, ИП Бурнашев Ф.В., СР тустууга маастара, судья Юрий Васильев дьиэ кэргэнэ эһэлэрэ Уус-Алдан улууһун, Бороҕон нэһилиэгин бочуоттаах олохтооҕо, Саха АССР тыатын хаһаайыстыбатын  үтүөлээх үлэһитэ, Сэрии , үлэ  бэтэрээнэ Васильев Петр Константинович 100сааһыгар анаммыт анал бирииһи хапсаҕай күрэҕин кыайыылааҕар  Юрий Петуховка туттарда.

Ыһыах дьоро киэһэтигэр " Түмсүү" норуот айымньытын киинигэр " Бороҕон нэһилиэгэр библиотека төрүттэммитэ 95 сыла" нэһилиэк библиотекатын историятын көрдөрөр кинигэ быыстапката, планшета туруоруллан сырдатылынна. Бороҕон нэһилиэгин " Көмүлүөк” үһүс саас оскуола уран-талба талааннаахтарын, уус-уран оҥоһуктарын быыстапката дьон-сэргэ сэҥээриитин, үрдүк сыанабылын  ылла.

        Бу үөрүүлээх дьоро киэһэҕэ улууспут аҕа баһылыга Василий Алексеев , Бороҕон нэһилиэгин бочуоттаах олохтооҕор, ветеран учууталга Мария Романовна Халдееваҕа Уус-Алдан улууһун бочуоттаах олохтооҕо  анал бэлиэни, дастабырыанньаны  үөрүүлээх чааска туттарда. 

                 Биир дойдулаахпыт ааптар Иннокентий Попов  " Олох талкыта" комедиятын  "Айыллан" норуот тыйаатырын  туруоруутунан көрдөрүлүннэ, режиссёр Андрей Макаров. Көрөөччүлэр “Олох талкыта” комедияны астынан, олус биһирээтилэр. Сынньалаҥ кэнниттэн  “Самаан сайын бэлэҕэ” сүүйүүлээх оонньуу, эҕэрдэ ырыалар дуорайдылар,  «Үрүҥ түүн” үҥкүүтэ дискотеканан түмүктэннэ.

     

  

   

  

  

  

   

  1. Түмсүүнэн-сайдыыга, үлэнэн-үрдэлгэ
  2. Сила книги