Информация о материале

    Бүгүн "В.М.Прокопьев" аатынан Тумул орто оскуолатыгар " Час чтения"-кинигэ выставкатын, кинигэ передвижкатын  ыыттылар: оскуола педагог-библиотекара: С.И. Стрекаловская, "А.Р. Халдеева" аатынан нэһилиэк библиотекатын библиотекара: С.А. Прудецкая. Быыстапкаҕа үөрэнээччилэр алтынньы ыйга бэлиэ дааталаах, нуучча суруйааччыларын С.А. Есенин, И.А. Бунин айымньыларын, кинигэлэрин кытта билистилэр, оҕолорго аналлаах саҥа кинигэлэри көрдүлэр, уларыстылар. Саамай элбэх кинигэни уларыстылар  3 кылаас коллектива, кылаас  салайааччыта Любовь Афанасьевна Алексеева,  саҥа кинигэлэри кылааска аахтылар 4 кылаас коллектива, кылаас салайааччыта Людмила Михайловна Аввакумова. Кинигэ передвижкатыттан учууталлар, үөрэнээччилэр сайаапканан сөбүлүүр кинигэлэрин уларсан ааҕыахтара.

      

 

 

 

Информация о материале

   Учуутал күнүгэр аналлаах " Учуутал, эн үрдүк ааккар сүгүрүйэн ..." кинигэ  быыстапката " Түмсүү" норуот айымньытын киинин  бырааһынньыктааҕы тэрээһинигэр, "А.Р. Халдеева" аатынан нэһилиэк библиотекатыгар туруоруллан сырдатылынна. Быыстапкаҕа государственнай- политическай деятель, педагогическай наука доктора Евгения Исаевна Михайлова олоҕун, айар үлэтин , публикацияларын сырдатар " Биобиблиографическай указателя" туруорулунна, педагогическай наука доктора, профессор, Бочуот уордьан кавалера Феодосия Васильевна Габышева олоҕун, айар үлэтэ, кинигэлэрэ сырдатылыннылар. Быыстапкаҕа олохтоох ааптардарбыт кинигэлэрэ, Педагогическай энциклопедияҕа киллэриллибит учууталларбыт, Тумул орто оскуолатын историята " Олох сырдык аартыгынан 80 сыл" кинигэ, " Тумулчаана" уһуйаан историята " Сырдыгы,кэрэни саҕар уһуйааммыт"  кинигэ,  " Мое призвание -Учитель"- СӨ учуутал дьиэ кэргэттэрин  династияларын сырдатар кинигэҕэ -Бороҕон нэһилиэгиттэн Свешниковтар-Халдеевтар-Алексеевтар-Дьячковскайдар учуутал дьиэ кэргэттэрэ сырдатыллан киирбиттэрэ. СӨ үтүөлээх учуутала, суруйааччы Татьяна Петровна Находкина  кинигэлэрин, кини салайбыт  " Тумул уоттара" куруһуок айымньылара сырдатыллаллар, Учууталларбытыгар, иитээччилэрбитигэр  махтал истиҥ тыллардаах ахтыы  кинигэлэри нэһилиэк библиотекатын быыстапкатыгар көрөргүтүгэр.

Информация о материале
  Бороҕон нэһилиэгэр " Түмсүү" норуот айымньытын киинигэр, култуура үлэһиттэрин көҕүлээһиннэринэн " Олоҕум көмүс күһүнэ" аҕам саастаахтар күннэрэ "Култуура уонна норуоттар Сомоҕолоһууларын" сылларыгар ананна. Тэрээһин үөрүүлээх чааһыгар эҕэрдэлэрин тиэртилэр  социальнай үлэһит Анна  Парникова , " Аал уот" кырдьаҕастар түмсүүлэрин салайааччыта Петр Черкашин эҕэрдэлээн туран 80 сааһынан нэһилиэк  ытык кырдьаҕаһыгар  Мария  Габышеваҕа өйдөбүнньүк бэлэҕи туттарда. 
    Истиҥ эҕэрдэтин тиэртэ "А.Р.Халдеева" аатынан нэһилиэк библиотекатын сэбиэдиссэйэ, " Көмүлүөк" үһүс саас оскуола салайааччыта Светлана Прудецкая  - " Култуура духуобунас сайдыыта" - кинигэ быыстапкатын  туруоран сырдатта, биктэриинэ ыытылынна  кыайыылаахтарынан  Акулина Сокольникова, Василий Новоприезжай  ааттанан  анал бириистэринэн бэлиэтэннилэр.
" Көмүлүөк' үһүс саас оскуола үгэс быһыытынан  үөрэҕин дьылын арыйар алтан чуораана лыҥкыныы тыаһаата.
Литературнай чааска  айар куттаах биир дойдулаахтарбыт Александра Гаврильева, Евгения Габышева  хоһуйбут хоһооннорун  Акулина Сокольникова ааҕан иһитиннэрдэ.
Норуоттар сомоҕолоһууларын сылынан култуура үлэһиттэрэ аҕам саастаахтарга үгүс күрэхтэри  ыыттылар. Ол курдук араас дойду норуоттарын бүлүүдэлэригэр, таҥастарыгар, ону таһынан көрдөөх оонньууларга,  сэбиэскэй кэминээҕи үҥкүүлэринэн ырыаһыттары, ырыалары таайыы уо.д.а күрэхтэр көхтөөхтүк ыытылыннылар. Итии чэйдээх, минньигэс астаах сандалы тула олорон, санаа атастастыбыт.Күрэх ыайыылаахтарыгар бука барыларыгар бириистэр туттарылыннылар. Күһүҥҥү фотозонаҕа өйдөбүнньүк хаартыскаҕа түһүү, култуура үлэһиттэрин истиҥ эҕэрдэ нүөмэрдэрэ тэрээһини киэргэттилэр.Тэрээһинтэн аҕам саастаахтар  астынан-дуоһуйан тарҕастылар.
            
          
       
          
 

Информация о материале

    "Ытык сир-Кыһыл Кырдал" кинигэ презентацията Хоноҕорго култуура киинигэр, С.С. Васильев аатынан улуустааҕы кииннэммит библиотека ааҕар саалатыгар үрдүк таһымҥа ыытыллыбыттара. Презентацияҕа нэһилиэктэртэн кырдьаҕастар сэбиэттэрин бэрэссэдээтэллэрэ кыттыыны ылбыттара. Бороҕон нэһилиэгиттэн кырдьаҕастар сэбиэттэрин бэрэссэдээтэлэ П.Е. Черкашин кыттыыны ылбыта. Киэҥ -дириҥ историялаах, Суотту нэһилиэгин ытык сириттэн фронҥа  барааччылары түмэн, байыаннай үөрэххэ бэлэмнээн, уоттаах сэриигэ атаарбыттарын туоһулуур докумуоннардаах, ахтыылар хомуллан   бу кинигэҕэ үйэтиллибиттэрэ. Нэһилиэкпит кырдьаҕастарын сэбиэтигэр 3 кинигэ бэриллибититтэн: 1 кинигэни нэһилиэк музейыгар, 1 кинигэни олохтоох дьаһалтаҕа бэлэх ууннубут, 1 кинигэ кырдьаҕастар сэбиэттэригэр үйэтитиигэ бэрилиннэ. Бу үйэлээх кинигэҕэ  Улуу Кыайыыны уһансыбыт, хорсун-хоодуот   буойуттарбыт тустарынан матырыйааллары, оччотооҕу  ыар кэрдиис кэмин, ахтан санаан ааһын. Нэһилиэк библиотекатыгар  " Ытык сир-Кыһыл Кырдал"кинигэ сырдатыллан ааҕааччы киэҥ араҥатыгар ананна.

                                                                                                                 

             

  1. 27 сентября День государственности РС(Я)
  2. Үрүҥ тунах ыһыах ыһылынна