Ийэ, аҕа дьиэ кэргэн күннэрин чэрчитинэн, Бороҕон нэһилиэгэр “Түмсүү” норуот айымньытын киинин, балаҕаныгар- Оҕо, дьиэ кэргэн министерствотын, психологическай киинин уонна Саха государственнай национальнай политика департаменын.Саха республикатын маассабай спорт управлениятын иһинэн инструктарынан үлэлээбит Григорий Егорович Николаев өбүгэбит сиэригэр-туомугар, ийэ айылҕабытын кытта ситимнээх буолууга, эти-хааны чэбдигирдиигэ, чөл-доруобай аһылыгы тарҕатыыга, төрүт билиини тиэрдэ, лекциялары, маастар кылаастары ыытта.
Ол курдук биэс күннээх үөрэххэ, нэһилиэк аҕам саастаахтара көхтөөхтүк сырыттылар. Лекциялар сүрүннээн, бу орто дойдуга, бэлэх буолан кэлэр олохпутугар, хас биирдии киһи туох сыаллаах, соруктаах кэлэрбитин, өбүгэттэн-төрүттэн бэриллэр билиилэри эккэ-сииҥҥэ иҥэриини, аар айылҕаны кытта ыкса сибээһи тутуһан, Ийэ сиртэн ситимнэнэн, ытык өбүгэ үтүө үгэстэрин тутуһан, арчыланан, алҕанан, куппутун-сүрбүтүн бөҕөргөтүнэн, чэгиэн чэбдик туруктаныы , өбүгэлэрбит иҥэмтиэлээх аһылыктарын суолталарын, быһааран, көрдөрөн үөрэттэ. Лекцияҕа кэлбит дьоҥҥо барыларыгар чаҕылҕан охсубут, этиҥ түспүт маһыттан алҕанан ылбыт, мастарын түҥэттэ. Тэтин мастан харысхаллары, эти-сиини, сүһүөхтэри илбийэргэ, имитэргэ алҕаан, алгыстаан оҥорбут паалкаларын, тэтиҥ сутукатын бороһуоҕун баҕалаахтарга аҕалан биэртэлээтэ.
Григорий Егорович лекцияларын истэн , аҕам саастаахтар үгүс билиини иҥэриннибит, элбэххэ үөрэннибит. Бу билиибитин, дьоҥҥо сэргэҕэ тиэрдэр сыалтан маастар кылаастары «Түмсүү” норуот айымньытын киинин балаҕаныгар ыыттыбыт.
Ол курдук кэрэ сэбэрэ, сирэй ыраастааһына, массааһа, уопсай массаас тэтиҥ мастан оҥоһуллубут палкаларынан атаххыттан , төбө оройугар диэри массаас илбийэн оҥоһуллар, туустаах муора балыгын тириитинэн тобугу угуттааһын, ыарыыны мүлүрүтэр, эмтиир , ыраастыыр баанкалары туруоруу, кедр эриэхэтинэн, тэтиҥ субатын бороһуогунан оҥоһуллар ,үгүс ыарыыга, иммунитеты күүһүрдүүгэ туттуллар настой оҥоруута, эти-сиини чэбдигирдэр массаж көрүҥнэригэр маастар кылаастар ыытылыннылар. Маастар кылаастары ыыттылар: Петр Черкашин, Ирина Черкашина, Татьяна Новоприезжая, Сардаана Стрекаловская, Светлана Прудецкая, Наталья Петухова, Галина Габышева,Вера Заровняева.
Инструктор Григорий Егорович, хас биирдии киһиэхэ туһаайан, киһи сатыырын, киһи сатыахтаах. Эһиги Тумуллар мээнэҕэ ааттамматах эбиккит, ытык сиргэ- баай дириҥ историялаах , ытык өбүгэлэрдээх сиргэ олороҕут, онон эһиги нэһилиэккитигэр бастакынан бу билиибин дьоҥҥо-сэргэҕэ тиэрдэ, үллэстэ кэлбитим буолар.
Онон эһиги үтүө санааны иҥэринэн өрүүтүн инники сылдьаарын, чэгиэн чэбдик туруктанан туруоруммут сыалгытын ситиһэр алгыстаах аартыккыт арылла туруохтун , дьон-сэргэ махталын, убаастабылын ыла турун диэн алгыс тылларын тиэртэ.
Григорий Егоровичка -Ытык өбүгэ билиитин дьоҥҥор-сэргэҕэр тиэрдэ, үллэстэ- иҥэрэ сылдьаргар махтанабыт.
