Бу күннэргэ култуура дыбарыаһыгар «Улууспут ытык кэрэ-бэлиэ сирдэрэ» хаартысканан быыстапканы Элгис сүбэ түмсүү туруорда.Быыстапкаҕа улууспут нэһилиэктэрэ ытык-кэрэ, бэлиэ сирдэр хаартыскаларын ыытан быыстапкаҕа көхтөөх кыттыыны ыллылар. Быыстапка сыала-соруга: Төрөөбүт дойдуну харыстааһын, төрөөбүт сирбит туһунан билии, өбүгэ сиэрин-туомун тутуһуу, чинчийэн үөрэтии. Бороҕон нэһилиэгиттэн кыраайы үөрэтээччи Акулина Степановна Сокольникова быыстапкаҕа кыттыыны ылан туоһу суругунан, өйдөбүнньүгүнэн бэлиэтэннэ. Библиотекардар «Улууспут ытык кэрэ сирдэрэ» быыстапканы сэҥээрэ көрдүбүт, уунэр-кэнчээри ыччаттарбыт быыстапкаттан элбэҕи билиэхтэрэ, көрүөхтэрэ диэн эрэнэбит.
.
