Бэҕэьээ ыам ыйын 2 күнүгэр, олохтоох  библиотекаҕа туһалаах маастар кылаас ыытылынна. Маастар кылааһы ыытта, тарбаҕар талааннаах иистэнньэҥмит Анастасия Габышева - Айаана. Кини суумкалар фермуардарын хайдах  быһарга, тигэргэ үөрэттэ. Араас түүттэн саҕалары быһары, тигэри көрдөрдө. Саҕаларбытын оҕуруонан ким баҕалаах, киэргэтэбит, кытыытыгар саҕаны хайдах олордору, тигэри быһаарда. Ол кэнниттэн, кэннин клейынан туттары сүбэлээтэ. Иискэ  үгүс элбэх сүбэлэри ыллыбыт,  күммүтүн олус туһалаахтык аатаардыбыт. Талба талааннаах иистэнньэҥмитигэр Айаанабытыгар  улахан махталбытын тиэрдэбит. Дьиэтээҕи сорудахтары үчүгэйдик  толорон аҕалбыккыт диэбититтэн, олус үөрдүбүт. Уус уран оҥоһуктарбыт өссө элбээн, саҥа талааннар арыллан истиннэр.