Информация о материале

Автор: Super User

  Бороҕон нэһилиэгин олохтоохторо, оҕо саастарыттан доруобуйаларынан хааччахтаах  Евдокия Степановна Тютрина, Любовь Петровна Петухова талба талааннарын сайыннаран, уус уран оҥоһуктарынан "А.Р. Халдеева" аатынан нэһилиэк библиотекатын быыстапкаларыгар өрүү көхтөөхтүк кытталлар. Ол курдук сылын аайы ыытыллар инвалидтар декадаларыгар, Улуу Кыайыы күнүгэр , Саҥа үүнэр сылга анаан уустаан-ураннаан араас матырыйаалтан оҥорбут үлэлэрин,  быыстапкаҕа аҕалан туруораллар, сырдаталлар. Кинилэр оҥоһуктарын фоамиран кумааҕыттан, джутовай быанан, фольганан, ватнай палочкаларынан, дисканан, полимернай глинанан,  айылҕа материалларын туттан, бэйэлэрин фантазияларынан остуоруйа геройдарын,  кыыллары, саҥа дьыл харыйаларын, араас харыйа оонньуурдарын, шариктарынан , гирлянданан киэргэтэн  оҥорбуттарын  ааҕааччылар сэргии-сэҥээрэ көрөллөр. Быыстапка олохтоох библиотекаҕа биир нэдиэлэ туран, кырачааннарга үөрүүнү бэлэхтиэҕэ. Талба талааннаахтарбыт уус-уран оҥоһуктарын быыстапкатын  кэлэн  көрүҥ, сэргээн!

Информация о материале

Автор: Super User

Бороҕон нэһилиэгиттэн " Үрдэл-2025" бириэмийэтин муҥутуур  кыайыылааҕа -Василий Новоприезжай, "Билэҕин дуо олох олорор кэрэтин" -диэн ырыатынан кыайда.  Кыайыылаахха 200 тыһ.сууммалаах  "Үрдэл" национальнай бириэмийэ сертификатын "Саха" НКИХ генеральнай дириэктэрэ Олег Марков туттарда. "Үрдэл-2025" W1ld  "Ыйааҕым"  диэн ырыата көрөөччү биһирэбилэ үрдүк аатын    ылан  Петр Коротов 100 тыһ.солкуобайынан наҕараадаланна. "Үрдэлтэн -Үрдүккэ-Үрдүктэн-Чыпчаалга"!

Информация о материале

Автор: Super User

Үүммүт 2026 сылы көрсө “Түмсүү” норуот  айымньытын киинигэр үөрүүлээх тэрээһин ыытылынна.Нэһилиэк аҕа баһылыгын эбээһинэһин толорооччу Константин Михайлович Копырин , Уус-Алдан улууһун Аҕа баһылыга Василий Петрович Алексеев истиҥ эҕэрдэлэрэ этилиннилэр, ситиһиилээхтэргэ наҕараадалары туттардылар.Сылын аайы үгэскэ кубулуйбут , 2025 сыл түмүгүнэн үлэҕэ ситиһиилээх сыл бастыҥнарыгар “2025 сыл Лауреата” анал ааттар иҥэрилиннилэр: “Бастыҥ дьиэ кэргэн”- Ольга Дмитриевна, Василий Петрович Алексеевтарга, “Сыл бастыҥ мецената” –Николай Ивановка, “Сыл бастыҥ учуутала”-Сахаяна Аргуноваҕа, “Бастыҥ оҕо уһуйаанын үлэһитэ”-Дария Барашковаҕа, “Бастыҥ үөрэх эйгэтин үлэһитэ”-Анастасия Андросоваҕа, “Сыл бастыҥ үөрэнээччитэ”-Ипат Протопоповка, “Бастыҥ култуура үлэһитэ”-Светлана Прудецкаяҕа, “Бастыҥ доруобуйа харыстабылын үлэһитэ”-Екатерина Протопоповаҕа, “Бастыҥ ЖКХ үлэһитэ”-Никифор Барашковка,”Сыл бастыҥ общественнига”-Михаил Барашковка,”Бастыҥ тыа хаһаайыстыбатын үлэһитэ”- Егор Находкиҥҥа, “Бастыҥ үһүс саас оскуола общественнига”- Анастасия Габышеваҕа, “Аал уот” бастыҥ общественнига-Василий Новоприезжайга, Элэһин бөһүөлэгиттэн “Сыл бастыҥ активиһа”- Варвара Поповаҕа, “Сыл бастыҥ үөрэнээччитэ”- Миша Алексеев, Ары-Тит бөһүөлэгиттэн “Сыл бастыҥ активиһа”-Лена Заровняева, “Сыл бастыҥ үөрэнээччитэ”–Вика Поротова. Үөрүүлээх чааска “Түмсүү” НАК  директора Анастасия Сухонина  нэһилиэк култуурунай тэрээһиннэригэр көхтөөхтүк кыттыбыттарга махтал суруктары, өйдөбүнньүк бэлиэлэри туттарда. Ситиһиилээх дьоннорбутугар, ыалдьыттарбытыгар анаан  музыкальнай эҕэрдэлэр дуорайдылар. Бырааһынньыктааҕы киэһэни “Айыллан” норуот тыйаатырын артыыстара, ыччаттар кыттыылаах “Саҥа дьылга-саҥа дьол” музыкальнай театрализованнай 4 хартыыналаах дьүһүйүү дьон-сэргэ сэҥээриитин ылла. Үүммүт  2026 сылынан  Чысхаан оҕонньор, сиэнэ кыыс Хаарчаана, Саҥа дьыл уолчаан эҕэрдэ бастыҥын тиэрдэн туран ситиһиилэри баҕардылар. Дьоро киэһэ уоттаах-күөстээх дискотеканан түмүктэннэ.

Информация о материале

Автор: Super User

    Бэҕэһээ  улууска Олоҥхо дьиэтигэр "Ийэ тыл, төрүт дьарык илгэлээх түһүлгэтэ"  форум үрдүк таһымҥа буолан ааста. Форумҥа култуура, бибилэтиэкэ, саха тылын учууталлара уонна ыраахтан  ыҥырыылаах ыалдьыттар уопсайа 275 киһи  кыттыыны ылла.Тэрээһиҥҥэ "Олоцхо биһигэ -Уус Алдан" норуот маастардарын, уус- уран оҥоһуктарын  быыстапката туруоруллан дьон-сэргэ сэҥээриитин ылла. Олоҥхоһут Р.П. Алексеев -Бөҕө Арамаан "Сылдьыбыт сырыыларым, истибит чахчыларым", "Олоҥхоһут чабырҕахтара, ырыалара" толорулуннулар, Күүстээхтэр уонна быһыйдар кинигэлэр сырдатылыннылар. 

Саха тылын уонна литературатын учууталларын III сийиэһин, бибилэтиэкэрдэр I сийиэстэрин  түмүгүнэн, саха тылын сайыннарыыга, эйгэтин кэҥэтиигэ соруктар торумнаннылар. Түмүккэ "Дүпсүн улууһугар олорбут политсыылынай Н.П. Странден сыдьааннара"  документальнай киинэ  сүрэхтэннэ.