Улуу Кыайыы 80, Россияҕа -Аҕа , Республикаҕа - Ийэ дойдуну көмүскээччи сылларын түмүктүүр  тэрээһин Бороҕон нэһилиэгэр ыытылынна. Биир дойдулаахпыт "Бичик" кинигэ кыһатын уонна  улуустааҕы  С.С. Васильев-Борогонскай аатынан кииннэммит модельнай библиотека электроннай  библиотекатын саамай  ааҕыллар кинигэлээх ааптара, суруйааччы Татьяна Петровна Находкина айымньытынан "Айыллан" норуот театрын  туруоруутугар "Ийэ сүрэҕэ"  сэрии кэминээҕи  драма, режиссер Андрей Макаров  туруоруутунан норуот айымньытын дьиэтигэр туруорулунна. Норуот тыйаатырын артыыстара сүрүн оруоллары олус итэҕэтиилээхтик  көрөөччүлэргэ тиэртилэр. Олохтоох ааптарга Татьяна Петровнаҕа норуот айымньытын киинин директора Анастасия Сухонина, олохтоох библиотека сэбиэдиссэйэ Светлана Прудецкая  эҕэрдэлэри, өйдөбүнньүктэри туттардылар.