Бороҕон нэһилиэгин олохтоох ааптара, РФ суруйааччыларын уонна суруналыыстарын Сойууһун чилиэнэ, РФ үтүөлээх учуутала, Уус Алдан улууһун Байаҕантай, Бороҕон нэһилиэктэрин бочуоттаах олохтооҕо Находкина Татьяна Петровна "Историческая память" бырайыак, литературнай күрэҕэр ситиһиилээхтик кытынна. Бу улахан айар күрэх түмүгүнэн Татьяна Петровна айымньыта "Олоххо тардыһыы күүһэ"
сэһэнэ иккис истиэпэннээх дипломунан бэлиэтэннэ.
"Мүрү Саһарҕата" хаһыат эрэдээксийэтин таһаарыытынан, " Улуус уран тыллаахтара" кинигэ сиэрийэтигэр Татьяна Находкина "Үтүө ыал үөлэһэ кыымнаах" кинигэтэ бэчээттэнэн таҕыста.Кинигэҕэ Татьяна Петровна саҥа кэпсээннэрэ таҥыллан киирбиттэр. Кинигэ ааҕааччы киэҥ араҥатыгар ананар. Кини кинигэлэрэ ааҕааччы биһирэбилин ылан, саамай ааҕыллар кинигэлээх ааптар быһыытынан сыаналаммыта.
