Саха бастакы лингвист учуонайа С.А.Новгородов быйыл  төрөөбүтэ 130 сыла. Семен Андреевич төрөөбүт күнэ -сурук-бичик күнүнэн,  1996 сыллаахха Саха Республикатын бастакы Президенэ М.Е.Николаев ыйааҕынан олохтоммута. Семен Андреевич уопсайа 25 тылы үөрэппит, 11 тылынан санаатын сайа этэрэ, кини Эдуард  Пекарскай "Саха тылын тылдьыта" диэн сүдү үлэтигэр өҥөтө, көмөтө улахан. 1922сыллаахха Новгородов  " Бастааҥы сурук-бичик" диэн сахалыы букубаар таһаартарбыта. Ол сыл Петроградка "Сурук-бичик" диэн букубаар уонна №Ааҕар кинигэ" тахсыбыта. Оскуолаларга саха тылын уруога киирбитэ.Новгородов транскрипциятынан 200-тэн тахса кинигэ, ол иһиттэн 30 үөрэх кинигэтэ бэчээттэммитэ. "Кыым", "Хотугу ыччат" хаһыаттар, "Чолбон" сурунааллар тахсыбыттара. Бэрт кылгас кэм иһигэр саха норуота ааҕар-суруйар кыахтаммыта. 

   Төрөөбүт сахатын тылын сайыннарыыга-чинчийиигэ олоҕун анаабыт Семен Андреевич Новгородовка дьоно-сэргэтэ сугуруйэр, махтанар.