Алексей Елисеевич Кулаковскай -Өксөкүүлээх Өлөксөй 1877 сыллаахха кулун тутар 4 (16) күнүгэр Боотуруускай улууһун IV Дьохсоҕон нэһилиэгэр Уучай  диэн сиргэ төрөөбүтэ. Кини 9 сааһыгар диэри эһэтигэр иитиллэн, бу алааска оҕо сааһа ааспыта. Эһэтэ Собакин Николай Алексеевич (Куонааскы Ньукулай) сиэнин ааҕарга, суруйарга, суоттуурга үөрэппитэ. Онон эһэлээх, эбэтэ  Өксөкүүлээх Өлөксөйү  үөрэххэ-сырдыкка, уран тылга, мындыр өйгө уһуйбут үтүөлэрэ  үйэлэргэ умнуллубат! Өлөксөй 13 саастааҕар хоһоону суруйуунан, норуот ырыатын, номоҕун бэйэтэ билэринэн, хомуйуунан дьарыктаммыта. 1900с. Кулаковскай Учайга олорон "Байанай алгыһа" диэн айымньытын суруйбута. Бу хоһоону сорох чинчийээччилэр саха суругунан  бастакы айымньытынан ааҕаллар. Элбэх хоһоону, поэманы суруйан хаалларбытыттан , дириҥ ис хоһоонноох айымньытынан " Ойуун түүлэ"  поэмата буолар. Бу сүдү үлэтигэр поэт төрөөбүт омугун дьылҕатын анаарар , ол саҕанааҕы олох уонна аан дойду кыһалҕаларын ырытар "Интеллигенцияҕа сурук" үлэтигэр Саха сирин экэнэмиическай сайдыытын өтө көрөн суруйбута. Тахсыбыт кинигэлэрэ: "Ырыа хоһоон"-1924-1925сс, "Ырыа хоһоон" 1946с ,"Ырыалар хоһооннор" 1957с, "Ибир самыыр: хоһооннор" 1971с, "Ырыа хоһоон" 1978с, "Ырыа хоһоон" 1986с, "Ойуун түүлэ"  поэма 1994с, "Ойуун түүлэ" 1999с, "Материалы для изучения верований якутов"  1923с, "Якутские пословицы и поговорки" 1925с, "Манчаары"  1945с.

Өксөкүүлээх Өлөксөй сырдык аатын үйэтитэн , Саха Сирин  Президенин 1992с  Ыйааҕынан Саха Сирин Илин бириэмийэтэ олохтоммута.

-Саха Сирин норуоттарын культуратын  тилиннэриигэ уһулуччулаах уопсастыбаннай үлэ иһин.

М.К.Аммосов аатынан Хотугулуу-Илиҥҥи федеральнай университет бастыц гуманитарнай хайысхалаах студеннарыгар анаан стипендия олохтоммута. Өксөкүүлээх Өлөксөй аатынан элбэх үөрэх  уонна культура тэрилтэлэрэ , куораттар  уонна  нэһилиэктэр уулуссалара  ааттанан А.Е.Кулаковскай-Өксөкүүлээх Өлөксөй аатын үйэтитэллэр!