Муус устар 6 күнүгэр С.С.Васильев-Борогонскай аатынан улуустааҕы кииннэммит библиотекаҕа библиотекардар семинардара ыытылынна. Кииннэммит библиотека директора В.Н.Окоемова библиотека үлэтин, инники былааннарын, ыытыллыбыт тэрээһиннэри сырдатта. Методистар Ф.Г.Федорова, Т.М.Окоемова үлэ хаамыытын, сайтка, телеграм каналларга үлэлэри киллэриигэ, информационнай ресурсалар тустарынан билиһиннэрдилэр, инники былааннары сырдаттылар. Күнүс 11 чаастан Зуумунан семинарга кыттыыны ыллыбыт. Интернет ситиминэн киирэн үлэлээһиҥҥэ саҥа программалары биллибит, көрдүбүт. Улууспутугар ыытыллыахтаах Саха Республикатын норуоттарын 8-с спортивнай оонньууларын көрсө, нэһилиэк бары библиотекардара, спортка аналлаах информационнай-библиографическай ыйынньык оҥорон быыстапкаҕа материал хомуйан бэлэмнээн түмүктээтибит. Бу улахан үлэ түмүгүнэн кыайыылаахтарга, кыттыылаахтарга дипломнар, сертификаттар туттарылыннылар. Буклеттар быыстапкаҕа көрдөрүүгэ турдулар.