Улууспутугар кулун тутар ыйга Россияҕа "Педагог уонна Настаабынньык", Саха Өрөспүүбүлүкэтигэр "Үлэ", Уус Алдан улууһугар "Инфраструктура" сайдыытын сылларыгар аналлаах “Түмсүүнэн- сайдыыга, үлэнэн- үрдэлгэ!” нэһилиэктэр икки ардыларыгар уус-уран көрүү–фестиваль, култуура управлениятын былаанынан ыытылынна. "Үлэ уонна настаабынньык" сылларынан, Удьуор утум үлэһит дьиэ кэргэттэри: «Удьуор утум салҕааччылар биэс көлүөнэ Алексеевтар дьиэ кэргэн, Тимир көлө уруулун эргиппит-Алексеевтар дьиэ кэргэттэри, Үөрэҕирии эйгэтин, удьуор утумун көлүөнэнэн: хос эһэлэрэ,эбэлэрэ, оҕолоро, сиэннэрэ,хос сиэннэрэ:Халдеевтар, Свешниковтар, Алексеевтар, Дьячковскайдар дьиэ кэргэн династиялара. “Уһуйааччы –ситиһиитэ суолдьут”-нэһилиэкпитигэр бэйэлэрин идэлэригэр бэриниилээхтик үлэлээбит, үлэлии сылдьар настаабынньыктар элбэхтэр, кинилэртэн сырдаттыбыт оскуола директоры кытта үлэҕэ сүбэһитин Акулина Сокольникованы, өр сылларга медицина эйгэтигэр үлэлээбит Мария Барахсинаны, тыа хаһаайыстыбатын салаатыгар бастыҥ үлэһитин Владимир Барашковы, бэйэтин идэтин толору баһылаабыт, ветеринар идэлээх Василий Старостины.Үлэ сылынан нэһилиэкпит үтүөлээх үлэһиттэрин, Коммунистическай үлэ удаарынньыктарын, бэтэрээн учууталлары  хаартыскаларын, аныгы  быыстабачнай стеллажка таҥан оҥоттордубут. Быыстапканы туруорууга, көрдөрүүгэ анал хамыыһыйа тэриллэн күүстээх үлэ ыытылынна.Онон Бороҕон нэһилиэгэ быыстапкаҕа үрдүк баалы ылан бастаатыбыт, уус –уран самодеятельностка аҕыс номер Лауреат үрдүк аатын ылары ситистэ. Фестиваль түмүгүнэн Бороҕон нэһилиэгэ иккис бочуоттаах миэстэни ылан, Грамоталарынан уонна 150000 сууммалаах сертификатынан наҕараадаланан култуура үлэһиттэрэ, олохтоохтор үөрүүбүт үрдээтэ.