Бороҕон нэһилиэгэр алтынньы 19 күнүгэр ,Муру нэһилиэгин "Умсулҕан" кэллиэксийэһиттэр түмсүүлэрэ ыалдьыттаата. Ол курдук Мүрүттэн 11 уонна Тумултан 8 коллекционер кыттыыны ыллылар. Коллекционердар коллекцияларын нэһилиэк олохтоохторо, оскуола үөрэнээччилэрэ сэҥээрэ көрдүлэр. Коллекционердар "Түмсүү" сынньалаҥ киинигэр, саха балаҕаныгар ,"Арчы" дьиэтигэр, "А.Р.Халдеева" аатынан модельнай библиотекаҕа, нэһилиэк музейыгар сылдьан нэһилиэк историятын билистилэр. Тэрээһиҥҥэ кыттыыны ыллылар нэһилиэк солбуйар баһылыга М.С.Протопопов, "Умсулҕан" түмсүү солбуйар председателя М.М.Федорова, библиотека сэбиэдиссэйэ С.А. Прудецкая, музей салайааччыта А.С. Сокольникова. Коллекционер Т.И. Алексеева коллекция хомуйуутугар маастар кылаас ыытта, атыттар бары коллекцияларын сырдаттылар. Түмүккэ нэһилиэк дьаһалтатын аатыттан Туоһу суруктар туттарылыннылар, кэлбит ыалдьыттар үөрэн-көтөн тарҕастылар.