Бороҕон нэһилиэгин “В.М. Прокопьев” аатынан Тумул орто оскуолатыгар, оскуола выпускнига, СВО хорсун буойуна, Эр Санаа орден кавалера, медбрат Неустроев Митрофан Николаевич-« Шанс» аатынан ОБ и ЗР кабинета арылынна. Кабинет аалай лиэнтэтин быстылар Бороҕон нэһилиэгин баһылыгын эбээһинэһин толорооччу Константин Михайлович Копырин, оскуола директора Егор Дмитриевич Петров, буойун күн күбэй ийэтэ Татьяна Дмитриевна Неустроева. Торжественнай чаас Өрөгөй ырыатынан аһылынна, үөрэнээччилэр, учууталлар буойун сырдык кэриэһигэр биир мүнүүтэлээх тохтобулга турдулар.Киирии тыл бэрилиннэ нэһилиэк баһылыгын эбээһинэһин толорооччу Константин Копыринҥа, буойун Неустроев М.Н. аатын кабинетка иҥэрии бирикээһин оскуола дириэктэрэ Егор Петров ааҕан иһитиннэрдэ. Буойун ийэтигэр Татьяна Дмитриевнаҕа эҕэрдэ суруктар, сертификаттар туттарылыннылар. Татьяна Дмитриевна уола үөрэммит оскуолатыгар СВО буойуттарын сырдык кэриэстэригэр үйэтитиллэн тахсыбыт “ Вы нашей памятью хранимы и будете всегда живыми” үйэлээх кинигэни туттарда. Буойун Митрофан Николаевич Неустроев оҕо сааһын, олоҕун сырдатар медиапрезентацияны сырдаттылар: Макарова Руслана,Макаров Арылхан 3 кылаас үөрэнээччилэрэ, салайааччы Людмила Михайловна Аввакумова, монтаһынан хоһоон аахтылар иккис кылаас үөрэнээччилэрэ салайааччы Любовь Афанасьевна Алексеева, төрдүс кылаас үөрэнээччилэрэ Петрова Варвара Пакловьевна, бэһис кылаас үөрэнээччитэ Айдар Поисеев, салайааччы Софронова Раиса Егоровна “Хроники СВО. Медбрат” хоһоону доргуччу аахта. Бу ОБ и ЗР кабинетыгар үөрэнээччилэр Ийэ дойдуга бэриниилээх, эр санаалаах буолууга уһуйуллан, иитиллэн тахсыахтара, буойуттар тустарынан матырыйааллар, кинигэлэр үйэтитиллиэхтэрэ.
Уус-Алдантан төрүттээх, биир дойдулаахпыт Россия Геройа Алексей Неустроев аатынан “ Герой паартата” аһылынна. Паарта аһыллыытын аалай лиэнтэтин быстылар оскуола дириэктэрэ Егор Петров, оскуола лидера Виктор Поротов. Бу паартаҕа оскуола туйгун үөрэнээччилэрэ олорон үөрэниэхтэрэ.Биир дойдулаахтарбытынан, хорсун-хоодуот буойуттарбытынан мэлдьи киэн туттуохпут,холобур оҥостуохпут, кинилэр сырдык ааттарын өрүү үрдүктүк тутуохпут диэн оскуола лидера Виктор Поротов эттэ .Тэрээһини салайан ыыттылар оскуола организатора Ирина Слепцова, “Юнармеец” патриотическай хамсааһын салайааччыта Акулина Сокольникова.Тэрээһин өйдөбүнньүк хаартыскаҕа түһүүнэн түмүктэннэ.
