А.Р.Халдеева аатынан олохтоох библиотекаҕа патриотическай иитиигэ библиотечнай уруоктар ыытылыннылар. Ол курдук үөрэнээччилэр Дьокуускайдааҕы национальнай байыаннай оскуола 100 сылыгар аналлаах медиапрезентацияны билистилэр, үөрэнээччилэр бу байыаннай оскуолаҕа үөрэммит биир дойдулаахтарын сырдаттылар, кинилэр тустарынан материаллары хасыһан үөрэттилэр. Кыайыы 81 сылыгар аналлаах  “Кинилэр Албан ааттара, үйэлэргэ сырдатыллар” кинигэ быыстапкатын обзорун иһиттилэр.Анал байыаннай дьайыыга сылдьан Геройдуу охтубут буойуттар “Вы нашей памятью хранимы и будете всегда живыми” кинигэҕэ киирбит биир дойдулаахтарын тустарынан ахтыылары аахтылар.Нэһилиэкпит Ытык ветераннарын сырдатар «Библиографическай указатель”, “Ытык сир-Кыһыл Кырдал” кинигэлэр  ырытыыларын болҕойон иһиттилэр. “Кыайыы саллаата” уруһуй быыстапкатын  сэҥээрэ көрдулэр, быыстапканы туруорбут  сэрии бэтэрээнин кыыһыгар Евдокия Степановна Тютринаҕа махтанан  өйдөбүнньүк туттарылынна.

         Ийэ дойду көҥүлүн, тутулуга суох буолуутун иһин, Кыайыыны уһансыбыт буойуннарга үйэ-саас тухары Албан аат!