Муус устар 13 күнүгэр "Көмүлүөк" үһүс саас оскуола чилиэннэрэ библиотекаҕа муһуннулар. Саха АССР төрүттэммитэ 100 сылын көрсө уонна улууспутугар VIII спортивнай оонньуулар ыытылалларынан нэһилиэкпит аҕа баһылыга Василий Петрович Алексеев аҕам саастаахтарга ыытыллыбыт  үлэлэри уонна инники былааннары сырдатта. "Көмүлүөк"  үһүс саас оскуола  общественнай түмсүүтэ библиотека иһинэн тэриллэн ,быйыл сэттис сылын үлэлиир. Нэһилиэккэ, улууска, республикаҕа  ыытыллар араас тэрээһиннэргэ, күрэхтэргэ, ааҕыыларга, быыстапкаларга  көхтөөхтүк кыттан миэстэлэһэллэр. А.Р.Халдеева аатынан нэһилиэк модельнай библиотекатын көхтөөх  ааҕааччылара. 2022сылга СР үөрэххэ уонна наукаҕа министерствота  "Ааҕыы сыла" биллэрбитэ, эбээлэр  оҕолоругар, сиэннэригэр  ааҕыыны  көҕүлүүллэр. Библиотекаҕа кэлбит саҥа кинигэлэри кытта билистилэр, санааларын үллэһиннилэр.