Бороҕон нэһилиэгэр “А.Р.Халдеева”- аатынан модельнай сельскай библиотекаҕа, олунньу 27 күнүгэр, күнүс 14 чаастан «Чэгиэн турук- доруобуйа мэктиэтэ” тэрээһин ыытылынна. Тэрээһиҥҥэ кыттыыны ыллылар Күннэй Гагарина- педагогическай наука кандидата, СР наукаҕа государственнай бириэмийэ Лауреата, СР үөрэҕириитин, культуратын уонна ыччат политикатын туйгуна, косметик-эстетист, Дохсун Үөдүгэй –нутрициолог, саха итэҕэлин тарҕатааччы, этнопедагог, Хойоҥдо Ил Ииһэ Саһылыкаан кыыһа- саха норуотун этнопедагогикатын, итэҕэлин тарҕатааччы, Күн кыыһа Күндүүнэ-элбэх оҕолоох дьиэ кэргэн, күн күбэй  ийэтэ- иһэр уу, битэмииннээх аһылык доруобуйаҕа туһатын сырдатта , маастар кылаас оҥорон көрдөрдө. Любовь Алексеева алын сүһүөх кылаас учуутала-хаамыы туһатын, доуобуйаҕа туһалаах битэмииннэр тустарынан сырдатан кэпсээтэ. Бу тэрээһиҥҥэ 15 киһи «Рофер» аппаратка доруобуйатын туругун бэрэбиэркэлэннэ, 4 киһи корейскай аппаратка сирэйин ыраастатта. Маастар кылаастарга фруктаттан, оҕуруот аһыттан оҥоһуллубут битэмииннээх утахтары амсайдылар, ууну ыраастыыр фильтрдаах аппарааты кердулэр, сэргээтилэр.Тэрээһин кыттыылаахтара төгүрүк остуол тула  олорон, үүттээх чэй истилэр, арыылаах-алгыстаах алаадьы амсайдылар, кэпсэтиигэ кытыннылар, санааларын үллэһиннилэр. Дьокуускай куораттан кэлбит ыалдьыттарбытыгар, биир дойдулаахпыт, олохтоох ааптар, суруйааччы Н.А.Аржакова-Иванова “Мин эйиэхэ истиҥник” кинигэтин бэлэхтээтибит, Татьяна Габышева бэйэтэ оҥорбут сувенирын туттарда. Маннык сэргэх тэрээһинтэн астынан-дуоһуйан тарҕастылар.