А.Р.Халдеева аатынан олохтоох модельнай библиотекаҕа "Ийэ тыл, сурук-бичик" декадата ыытылынна. "Төрөөбүт төрүт тылбыт"- кинигэ быыстапката, саха бастакы суругун-бичигин төрүттээччи, лингвист, учуонай С.А.Новгородов олоҕо, айар үлэтэ медиапрезентациянан сырдатылынна, "Төрөөбүт литератураҕын төһө билэҕин?"  биктэриинэ оонньуу, библиотечнай уруоктар ыытылыннылар. Сурук-бичик күнүгэр аналлаах хоһоон ааҕыытын челленджыгар кыттыыны ыллыбыт. Алтыс кылаас үөрэнээччитэ  Алгыс Васильев "Сахам тыла-төрүт тылым"  айар аһаҕас  күрэскэ кыттан 2 миэстэни ылары ситистэ. Олунньу 18 күнүгэр Республиканскай акцияҕа кыттан сахалыы дьыктаан суруйуута , библиотекаҕа көхтөөхтүк ыытылынна. Бастыҥ суруйааччыларга Национальнай библиотека Добун суруктара туттарылыннылар.