-
Информация о материале
-
Автор: Super User
Уус Алдан улууһун Мүрү нэһилиэгэр 2024сыл түмүктэрин бэлиэтиир дьоро тэрээһин ыытылынна. Бу улахан тэрээһиҥҥэ "Н.Н. Тарскай" аатынан успуорт дыбарыаһыгар улуус нэһилиэктэрин үлэтин, ситиһиилэрин сырдатар улахан быыстапка турда. Быыстапканы нэһилиэктэр библиотекаларын филиаллара туруордулар. "Дьиэ кэргэн", "Оҕо саас" сылларын түмүгүнэн дьиэ кэргэн саҥа кинигэлэрэ, ситиһиилэр, бастыҥ дьиэ кэргэттэр , оҕону сайыннарар-дьарыктыыр куруһуоктар үлэлэрэ сырдатылынна. Улууска сыл түмүгүнэн "Бастыҥ үлэлээх доруобуйа харыстабылын үлэһитэ" үрдүк ааты Бороҕон нэһилиэгин Тумул врачебнай амбулаториятын сэбиэдиссэйэ Пермякова Раиса Федотовна ылан нэһилиэкпитин ааттатта.
-
Информация о материале
-
Автор: Super User
Улуу Кыайыы 80 сылынан " Кыайыы Знамята" республиканскай эстафета. Тохсунньу 20 күнүгэр, Улуу Кыайыы үбүлүөйдээх 80 сылын көрсө өрөспүүбүлүкэтээҕи “Бары бииргэ – Кыайыыга” девизтээх “Кыайыы Знамятын” эстафетата Бороҕон нэһилиэгэр үөрүүлээх быһыыга-майгыга ыалдьыттаата. Кыайыы кыһыл Знамята СӨ ыччат дьыалатын уонна социальнай алтыһыытын Министиэристибэтин көҕүлээһининэн 2025 сыл тохсунньу ый 9 күнүгэр сахалартан бастакы Сэбиэскэй Сойуус Дьоруойа Федор Кузьмич Попов төрөөбүт-үөскээбит дойдутуттан Мэҥэ-Хаҥалас Баатара нэһилиэгиттэн саҕаланан, республика улуустарынан сылдьан, олохтоох дьону-сэргэни, үүнэр көлүөнэ ыччаты көрсөн, Нерюнгри оройуонуттан биһиги улууспутугар – уйгу сирэ Уус Алдан дьоллоох туонатыгар айаннаан бэҕэһээ кэллэ. Өрөгөйдөөх бэлиэ кун, Бороҕон нэһилиэгин " Кыайыы түһүлгэтэ" болуоссаттан саҕаланна. , Знамяны арыаллаан кэлбит делегация Кыайыыны уһансыбыттарга анаан сибэкки дьөрбөтүн уурдулар. Өйдөбүнньүк хаартыскаҕа түстүлэр.
Знамяны арыаллаан аҕаллылар улуус бэтэрээннэрин Сэбиэтин бэрэссэдээтэлэ О.Ф. Федоров, анал байыаннай дьайыы кыттыылаахтара - биир дойдулаахтарбыт С.А. Кириллин, Р.Н. Ноговицын, И.А. Петров, Суотту нэһилиэгин баһылыгын эбээһинэһин толорооччу Ксенофонтов С. И. Тэрээһин үөрүүлээх чааһа "Түмсуу" СК ыытылынна.
Кыайыы Знамятын өрө тутан киллэрдилэр Суотту орто оскуолатын бастыҥ үөрэнээччилэрэ - Знаменнай бөлөх хамандыыра Эрчим Бубякин, Герман Татаринов, Айтал Ноговицын уонна Айаал Баишев. Үөрүүлээх быһыыга-майгыга кыһыл Знамяны тутта "Боро5он нэһилиэгэ" тыа сирин түөлбэтин баһылыга Алексеев В. П. . Знамяны көрсүү тэрээһинигэр кыттыыны ыллылар Боро5он нэһилиэгин олохтоохторо, общественноһа, В. М. Прокопьев аатынан Тумул орто оскуолатын уерэнээччилэрэ, учууталлара. Үөрүүлээх түгэн ыалдьыттара кэнчээри ыччакка туһаайан истиҥ тылларын анаатылар.Бороҕон нэһилиэгин баһылыга Алексеев В. П., Суотту нэһилиэгин баһылыгын дуоһунаһын толорооччу Ксенофонтов С. И., Бороҕон нэһилиэгин кырдьаҕастарын сэбиэтин председателя Черкашин П. Е., анал байыаннай дьайыы байыаһа Кириллин С. А. Үөрэнээччилэр ааттарыттан харда тылы эттэ Тумул орто оскуолатын 8 кылааһын үөрэнээччитэ Поротов Витя, монтаж " Махтал Кыайыыны уһансыбыттарга “ Тумул орто оскуолатын 4 кылааһын үөрэнээччилэрэ, (сал. Софронова Р. Е.), трио " Ветеран " ырыаны эр дьон ансаамбылын чилиэннэрэ толордулар.
" Ким да умнуллубат, туох да умнуллубат" нэһилиэк олохтоох библиотекатын фондатыттан кинигэ быыстапката турда.
Бороҕон нэһилиэгин ытык сириттэн Кыайыы кыһыл Знамята салгыы Уус-Алдан улууһун Лөгөй нэһилиэгэр В. М. Прокопьев аатынан Тумул орто оскуолатын, знаменнай группата, нэһилиэк солбуйар баһылыга Протопопов М. С. салайааччылаах айаннаата.
Түмүккэ өйдөбүнньүк хаартыскаҕа түһүү ыытылынна.
Сүүһүнэн киһи иэйиитин түмэн, сүүһүнэн киһи санаатын салҕаан, сүүһүнэн киһи аймалҕанын этэн, үүнэр көлүөнэҕэ анаан үйэ-саас тухары умнуллубатын ытык дьоммут Албан ааттара!
-
Информация о материале
-
Автор: Super User
Бороҕон нэһилиэгэр Аҕам саастаахтар Ороһуоспатааҕы харыйаҕа көрүстүлэр. Ол курдук ыраахтан Дүпсүнтэн, Бээдиттэн биир дойдулаахтарбыт, Саха Саарына В. В.Никифоров-Күлүмнүүр сыдьааннара ыалдьыттаатылар. Фойеҕа "Көмүлүөк" үһүс саас оскуола, аҕам саастаахтар түмсүүлэрин үлэтин көрдөрөр быыстапка туруорулунна. Быыстапканы сырдатта А.Р. Халдеева аатынан олохтоох модельнай сельскай библиотека сэбиэдиссэйэ Прудецкая С.А., нэһилиэк түмэлин үлэтин сырдатта, ветеран учуутал Протопопова З.И. Нэһилиэкпит баһылыга Алексеев В.П. эҕэрдэ тылынан кэлбит ыалдьыттары, нэһилиэк олохтоохторун эҕэрдэлээтэ. Икки нэһилиэк аҕам саастаахтарын салайааччылара Черкашин П.Е., Босикова У.И. истиҥ эҕэрдэлэрин тиэртилэр. Тэрээһиҥҥэ араас оонньуулар ыытылыннылар, маскарад күрэҕэр аҕам саастаахтар кыттан, сыаналаах бириистэринэн наҕараадаланнылар. Бу тэрээһинтэн бары астынан тарҕастылар.
