Информация о материале

 

 Аан дойду ийэлэрин күнүгэр анаан Бороҕон нэһилиэгин аҕа баһылыгын Алексеев Василий Петрович  көҕүлээһининэн  "Истиҥ сүрэхтэн" эҕэрдэ концерт, киирии билиэтинэн бырааһынньыктааҕы "Сааскы бэлэх" оонньуу  нэһилиэк күүстээх аҥардарын түмсүүтүнэн олус тэрээһиннээхтик ыытылынна. Концерт кэнниттэн кэрэ аҥардарга, бырааһынньыктааҕы кыраһыабай, дэлэй астаах фуршет, хас биирдии кэрэ аҥарга тюльпан сибэккини дьөрбөтүн  бэлэхтээн  долгуттулар, үөртүлэр. Эркин курдук эрэллээх нэһилиэкпит эр дьонноругар барҕа махтал, мэлдьи түмсүүлээх, сомоҕолоһуулаах буолуҥ.

Улуустааҕы  "Ах. какие женщины ...", кэрэ аҥардар күрэхтэригэр, Бороҕон нэһилиэгин кэрэ куолара, кыайыылаах үрдүк аатын ыллылар. Кинилэр  50000рб сууммалаах сертификатынан наҕараадаланнылар. Кэрэ Куоларбыт нэһилиэктэрин аатын ааттаттылар, маладьыастар.

Дьокуускайга ыытыллыбыт, Республиканскай "Якутия мастеровая" норуот маастардарын быыстапка дьаарбанкатыгар, Бороҕон нэһилиэгин уран тарбахтаах иистэнньэҥэ Анастасия Гаврильевна Габышева ситиһиилээхтик кытынна. Анастасия Гаврильевна "Национальный костюм"  номинациянан,  Грамотанан бэлиэтэннэ. Иистэнньэҥмитигэр өссө да үрдүк ситиһиилэри баҕарабыт.

 

 

Информация о материале

   Сылын аайы ыытыллар нэһилиэктэр икки ардыларыгар көрүү фестиваль Улуу Кыайыы 80, Россияҕа, Саха Республикатыгар Аҕа дойдуну көмүскээччи сылларынан биллэриллэн, фестиваль киэҥ далааһыннаахтык ыытылынна. Сүрүн  сыала-соруга ытык ветераннарбыт сырдык ааттарын үйэтитии-сырдатыы, үүнэр кэнчээри ыччакка тиэрдии, эдэр ыччаты  дойдуларыгар бэриниилээх буолууга  үөрэтии-иитии. Бороҕон нэһилиэгиттэн Аҕа дойду сэриитигэр 137 киһи ыҥырыллан барбытыттан 58 саллаат геройдуу охтубуттара, 6 саллаат сураҕа суох сүппүтэ, 79 саллаат кыайыы кынаттанан эргиллибиттэрэ.

1."Өлбөт үйэлээх Албан аат" бастакы түһүмэҕи сырдатта -Тумул орто оскуолатын 8 кылааһын үөрэнээччитэ Поротов Витя, салайааччы Сокольникова А.С.

2."Уолаттарын сэриигэ атаарбыт ытык ийэлэрбит" иккис түһүмэҕи сырдатта- Тумул орто оскуолатын 8 кылааһын үөрэнээччитэ Непряхин Костя, салайааччы  Сокольникова А.С.

3."Кыһыл сулус уонна Албан Аат IIIстепенэ орденнар  кавалердара, Кенингсберы ылыы иһин  , Германияны Кыайыы  иһин  мэтээллэрдээх, сэрии ветерана, персиональнай пенсионер, II Суотту нэһилиэгэр өр сылларга бэрэсэдээтэлинэн үлэлээбит Прокопьев Георгий Георгиевич. Ытык ветераммыт нэһилиэк историятын суруллуутугар үгүс үлэни ыыппыт илиинэн суруллубут докумуоннара, альбомнара, нэһилиэк музейыгар сэдэх экспонат буолаллар. Үһүс түһүмэҕи сырдатта-Тумул орто оскуолатын 7 кылааһын үөрэнээччитэ, бэтэрээн сиэнэ  Андреев Чаҕыл, салайааччы Сокольникова А.С.

"Кинилэр Албан ааттара үйэлэргэ сырдатыллар" кинигэ быыстапката, "Саһарбыт страницалар кэпсииллэр" -хаһыаттарга, сурунаалларга  сырдатыылар, "Библиографический указатель (1941-2025гг) -Ветераны и участники Великой Отечественной войны Борогонского наслега Усть-Алданского улуса на страницах книг и периодических изданий-составитель библиотекарь : Прудецкая С.А.

"За Мир-За Победу" СВО буойуттарыгар аналлаах быыстапка. Боро5он нэһилиэгиттэн быстах байыаннай операцияҕа 13 саллаат Ийэ дойдутун көмүскүү барбыта, 4 саллаат Геройдуу олохторун толук уурдулар.

Быыстапкаҕа  тыыл олоҕун көрдөрөр тыыннаах экспонаттар сырдатыллан, дьон болҕомтотун тартылар. Сэрии, тыыл ветераннарын оҕолоро, нэһилиэк олохтоохторо  "Музей в чемодане" туруоран ытык дьоммутун үйэтиттилэр. "Түмсүү" сынньалаҥ киинин иһинэн үлэлиир  "Айыллан" норуот театр артыыстарынан туруоруллубут "Сир ийэ билбэтин", "Кыраммыт кырдьык" киинэлэр, бэтэрээннэр ахтыылара аудио, видео кассеталар үйэтитиигэ турдулар. Оскуола үөрэнээччилэрин уонна I группалаах оҕо сааһыттан инвалид  Тютрина Е.С. байыаннай техникалар оҥоһуктарын оҥорон көрдөрүүгэ туруордулар.

Аҕа дойду сэриитин ветераннарын, Кыайыыны уһансыбыт  ытык дьоннорбутун  үйэтитиигэ-үөрэтиигэ нэһилиэк оскуолатын түмэлэ- салайааччы Сокольникова А.С., олохтоох модельнай библиотека-Прудецкая С.А. , култуура-Сухонина А.Е., оскуола-үһүйаан-Копырин К.М. тэрилтэлэрэ, нэһилиэкпит дьаһалтата-Алексеев В.П. үгүс өрүттээх үлэлэри, үүнэр көлүөнэ ыччакка ыыталлар.

Киэн туттабыт биир дойдулаахпытынан, Республика бастыҥ меценатынан, бастыҥ индивидуальнай предпринимателинэн Петр Спиридонович Алексеевынан. Кини төрөөбүт нэһилиэгэр ханна да суох, гранит таастан "Кыайыы түһүлгэтэ" болуоссаты , ытык бэтэрээннэрбитигэр сүгүрүйэн 2018 сыллаахха туттарбыта. Петр Алексеев дойдутун дьонугар мэлдьи холобур буолар, биир дойдулаахпытынан киэн туттабыт, муҥура суох  махталбыт.

Информация о материале

   Бэҕэһээ Дьокуускайга "Норуот маастардарын" күнүгэр Республиканскай тэрээһиҥҥэ сахалыы таҥастаах сэлэлээн хаамыыга Бороҕон нэһилиэгин "Көмүлүөк" үһүс саас оскуолатын филиала 9 буолан көхтөөхтүк кытынныбыт. Сэлэлээн хаамыыга киһи эрэ хараҕа хатанар, хайгыы көрөр ойуулаах-оһуордаах далбар Хотуттарбыт кыттыыны ылбыттарыттан астынныбыт. Кэрэни кэрэһэлээн, сиэдэрэйдик симэнэн, үтүөнү түстээн, айан-тутан бар дьоҥҥо үөрүүнү бэлэхтээтигит.

    Республиканскай "Якутия Мастеровая" норуот маастардарын уус-уран үлэлэрин ,оҥоһуктарын көрдүбүт. Бу улахан тэрээһиҥҥэ биһиги филиалбытыттан уран тарбахтаах иистэнньэҥнэрбит Стрекаловская Сардаана Иннокентьевна, Габышева Анастасия Гаврильевна  быыстапкаҕа кыттар чиэскэ тигистилэр. Уус-Алдантан үгүс кыттааччы баара сөхтөрдө. Өбүгэбититтэн кэлбит ииспитин, ууспутун сайыннаран, дьоҥҥо сэргэҕэ көрдөрөн, тарҕатан, норуот маастардара ессе үүнэн-сайдан истиннэр.

Информация о материале

Аан дойду дьахталларын күнүгэр аналлаах "Уус-Алдан Айар куттаах дьахтар суруйааччылара" быыстапка А.Р.Халдеева аатынан модельнай библиотекаҕа турда. Убаастабыллаах ааҕааччыларбыт Айар куттаах суруйааччы дьахталлар, айар үлэлэрин, тус олохторун туһунан билсэргитигэр ыҥырабыт.

    Быыстапкаҕа биир дойдулаахтарбын, Бороҕон нэһилиэгин бочуоттаах олохтоохторо, олохтоох ааптардар РФ суруналыыстарын, РФ суруйааччыларын сойуустарын чилиэнэ Находкина Татьяна Петровна, РФ суруналыыстарын, СР суруйааччыларын сойуустарын чилиэнэ Аржакова -Иванова Надежда Алексеевна  айымньыларын билсиэххит.

  1. Иистэнньэҥнэрбит ситиһиилэрэ
  2. Сурук-бичик күнэ