Информация о материале

Автор: Super User

      Бороҕон нэһилиэгин А.Р. Халдеева аатынан модельнай библиотекаҕа улууска култуура салаата төрүттэммитэ 80 сылыгар анаан декада ыытыллан түмүктэннэ. Ол чэрчитинэн нэһилиэкпит библиотекатыгар хаһыс да төгүлүн, оҕо саастарыттан доруобуйаларынан хааччахтаах Тютрина Евдокия Степановна, Петухова Любовь Петровна уус-уран оҥоһуктарынан кытталлар. Кинилэр иккиэн олус талааннаахтар ,көхтөөхтөр,иллэҥ кэмнэрин олус туһалаахтык атаараллар.Ол курдук Евдокия  араас матырыйаалтан эргэ хаһыаттары килиэйдээн , улахан эһэни, табаны, жирафаны оҥорбута кэрэхсэнэр.Пластилинтан Улуу суруйааччы  А.С.Пушкин мөссүөнүн оҥорбута олус табыллыбыт.Искусственнай түүттэн,оҕуруону тиһэн араас сувенирдары, киэргэллэри  оҥорор.Любовь фоамирантан кырыйан килиэйдээн, сүрдээх кыраһыабай шкатулкалары ,паннолары ,араас киэргэллэри оҥорбута кэрэхсэнэр.Ол курдук одноразовай ложканан ромашка сибэккилэри, шкатулка киэргэллэрин оҥорбута ураты көстүү. Улуу Кыайыы 80 юбилейдаах сылыгар анаан  хордуонтан, пенопласстан кырыйан,байыаннай техникалары оҥорон туруорбуттарын ааҕааччылар олус сэргээтилэр.

Информация о материале

Автор: Super User

 Уус Алдан улууһугар култуура отдела тэриллибитэ 80 сылыгар аналлаах "История культуры Усть-Алданского улуса " декада чэрчитинэн, "А.Р. Халдеева"- аатынан Бороҕон нэһилиэгин модельнай сельскай библиотекатыгар  алын, орто сүһүөх кылаас үөрэнээччилэригэр библиотечнай уруоктар, улахан дьоҥҥо декаданан тэрээһин ыытылынна. Тэрээһиҥҥэ улуус култууратын историята, улуус киинигэр Томторго бастакы норуодунай ааҕар балаҕан- библиотека, Бороҕон нэһилиэгин библиотекатын историялара сырдатыллан көрдөрүлүннэ. "Култуура духуобунас сайдыыта" -улуус култууратын сырдатар, араас сылларга үйэтитиллэн тахсыбыт кинигэлэр, нэһилиэк библиотекатын историятын көрдөрөр  матырыйааллар быыстапкаҕа ууруллан сырдатылыннылар. СР култууратын туйгуна, култуура бочуоттаах ветерана, Уус-Алдан оройуонун уонна Бороҕон нэһилиэгин бочуоттаах олохтооҕо, Уус-Алдан улууһун норуотун маастара Халдеева Анна Романовна библиотека иһинэн "Оһуор" куруһуогу салайбыта. Эдэр ийэлэри, кыргыттары өбүгэ ииһигэр уһуйан-үөрэппит уус-уран оҥоһуктара, быыстапкаҕа туруоруллан сырдатылыннылар.Тэрээһиҥҥэ Нам улууһун Хатырыгыттан Таисия Григорьевна, Афанасий Афанасьевич Петровтар дьиэ кэргэттэрэ ыалдьыттаатылар.Кинилэр култуура эйгэтигэр сыһыаннаах буолан, култуура историятын, уус-уран быыстапканы сэҥээрэн көрдүлэр.Ыалдьыттарбыт дьиэ кэргэннэрин, талааннарын, дьарыктарын билиһиннэрдилэр.

Култуура улуустаҕы декадатынан "Культура : истоки  и современность" улуустааҕы быыстапкаҕа А.Р. Халдеева култуура сайдыытыгар таһаарыылаах үлэтэ, уран оҥоһуга быыстапкаҕа турда.

Информация о материале

Автор: Super User

    Бэрт Ууһун нэһилиэгэр Сылгыһыт күнэ улуустааҕы тэрээһиҥҥэ , быыстапкаҕа Бороҕон нэһилиэгиттэн кытынныбыт. Быыстапкаҕа Мүрү,Найахы, Бороҕон, Баатаҕай нэһилиэктэрэ көхтөөхтүк кытыннылар.Тэрээһин үрдүк таһымҥа ааста.

Информация о материале

Автор: Super User

Уус-Алдан улууһугар Томторго  бастакы норуодунай библиотека тэриллибитэ 100 сылын бэлиэтиир үөрүүлээх юбилейнай тэрээһин үрдүк таһымҥа ааста. "Ааҕар балаҕантан куйаар ситимигэр тиийэ.."-  библиотека баай историятын сырдатар дириц суолталаах быыстапканы кэлбит эрэ барыта сэҥээрэ, болҕойон көрдө. Араас сылларга үлэлээн ааспыт библиотека үлэһиттэрэ, ветераннара, биир идэлээхтэр ыраахтан-чугастан  долгуйа муһуннулар. Үгүс элбэх эҕэрдэ тыллар ис сүрэхтэн этилиннилэр.