Информация о материале

Автор: Super User

   Алтынньы  29 күнэ-Ленинскэй Комсомол төрөөбүт күнэ! Комсомол үгүс ыччаттарга улахан олоххо путевка биэрбит тэрилтэ быһыытынан иҥэн хаалбыт. Комсомол ыччаты иитиигэ киллэрбит кылаата тугунан да кэмнэммэт. Комсомол салайбыт пионерскай тэрилтэтэ патриотизмы уонна гражданственноһы иитиигэ бастакы сүһүөх тэрилтэнэн буолбута, коллективизм, дойду историятыгар ытыктабыл, интернационализм уонна эппиэтинэстээх буолуу бастыҥ хаачыстыбалара иҥэриллибитэ. Ол курдук  А.Косырев аатынан шахта көмүс хостооччулара дойду үрдүнэн сураҕырбыттара, Бүлүүтээҕи ГЭС , Байкал-Амур магистрала, таас чох комплекса, Мирнэй, Удачнай, Нерюнгри куораттар, Депутатскайдааҕы ГОК, Мохсоҕоллоох хайатын цеменин собуота, элбэх тутуулар, газ ситимин тутааччылар үлэҕэ хорсун быһыыны көрдөрбүттэрэ. Сахабыт сирин ыччата "Оскуола- производство-үрдүк үөрэх"  бачыымынан үлэлээн үгүс ситиһиилэммиттэрэ, учуонайдар, производство салайааччылара үүнэн-сайдан тахсыбыттара. Бороҕон нэһилиэгэр комсомол күнүгэр аналлаах "Эн, комсомол-мин дьолум" -фотозона, кинигэ быыстапката турда, Комсомол историята тест биктэриинэ ыытылынна, "Айыллан" норуот тыйаатырын  артыыстарын толорууларынан, биир дойдулаахпыт олохтоох ааптар Аржакова-Иванова Н.А. суруйбут   хоһооно "Ньургуһун иккистээн тылынна" , бу ырыаҕа олоҕуран  комедия туруорулунна.

Информация о материале

Автор: Super User

   Саха  норуодунай бэйиэтэ Петр Николаевич Тобуруокап 1917сыллаахха  алтынньы 25 күнүгэр Үөһээ Бүлүү улууһун Ороһу нэһилиэгэр төрөөбүтэ. Кини Бүлүүтээҕи Н.Г. Чернышевскай аатынан педагогическай училищены үөрэнэн бүтэрбитэ. 1937сылтан кэргэнэ Евгения Васильевна Ноговицыналыын Дүллүкү, Ороһу, Нам нэһилиэктэригэр учууталлаабыттара.1941с Тойоку ситэтэ суох оскуолатыгар дириэктэрдээбитэ. 1942сыллаахха фроҥҥа барарга түөрт төгүл көрдөһүү түһэрэн  барбыта. Сталинград фронугар 298-с дивизия стрелковай полкатыгар наводчик-пулементчигынан сылдьыбыта. Хабыр хапсыһыыларга ыараханнык бааһырбыта. Госпитальга эмтэнэн, 1943с. от ыйыгар доруобуйатын туругунан аармыйаттан босхоломмута. 1960с Москваҕа литературнай институт старшай преподавателинэн уонна айар-суруйар үлэҕэ уһуйааччылар сэминээрдэрин салайааччынан үлэлээбитэ. 1979сылтан идэтийбит суруйааччы буолар. 2001сыллаахха .Дьокуускайга кулун тутар 6 күнүгэр өлбүтэ. Наҕараадалара: "Бочуот Бэлиэтэ", Аҕа дойду сэриитин II истиэпэннээх уордьаннара.1957сылтан  ССРС Суруйааччыларын сойууһун чилиэнэ, СӨ Суруйааччыларын сойууһун чилиэнэ. Үгүс элбэх хоһоонноро ырыа буолан ыллана сылдьаллар. Нэһилиэк модельнай бибилэтиэкэтэ- Норуот таптыыр суруйааччыта  П.Н.Тобуруокап 105сааһыгар анаан, кини айымньыларынан кинигэ быыстапката, дьиэ кэргэнин, айар үлэтин сырдатар биктэриинэ бэлэмнээн ыытта.

Информация о материале

Автор: Super User

       Бороҕон нэһилиэгэр культура үлэһиттэрин көҕүлээһиннэринэн "Ийэ -Аан дойду аанньала" Саха Республикатын ийэлэрин күнүгэр аналлаах, көлүөнэлэринэн үс хамаандаҕа арахсан  ийэлэр күрэхтэрэ 6 түһүмэҕинэн ыытылынна. Ийэлэргэ аналлаах презентациялар көрдөрүлүннүлэр. Нэһилиэк библиотекара,  библиотека иһинэн үлэлиир "Көмүлүөк" үһүс саас оскуолатын салайааччыта Прудецкая С.А. -"Аан  Дархан махтал ийэ5э" медиапрезентацията  сырдатыллан көрдөрүлүннэ. Күн күбэй ийэлэр иллэҥ кэмнэригэр оҥорбут уус -уран оҥоһуктарын, талба талааннарын көрдөрөн ыллаатылар , үҥкүүлээтилэр,  дьиэ хаһаайкаларыгар аналлаах  түһүмэҕи бириэмэҕэ ийэлэр көхтөөхтүк толордулар. Бүтэһик түһүмэххэ араас матырыйаалтан оҥостубут көстүүмнэринэн  авангард муодатын, киэһээҥҥи мааны былааччыйанан хааман  көрдөрдүлэр. Кыттыбыт хамаандаларга ийэ күнүгэр аналлаах минньигэс тортары, сибэккилэри бэлэх ууннулар.

Информация о материале

Автор: Super User

27 сентября -День государственности Республики Саха (Якутия).В этот знаменательный день1990года была провозглашена Декларация о государственном суверенитете, это и стало новым этапом для республики. В октябре и декабре1992 года были одобрены проекты государственных символов Республики: флаг и герб. Оба государственных символа составлены с учетом исторических и культурных традиций народа Республики Саха. Имеет Республика и свой гимн. Главным законом субъекта является Конституция , принятая в 1992году. Наша библиотека подготовила книжную выставку -обзор " Моя Республика-моя гордость!" и викторину " История моей республики" ко Дню государственности Республики Саха (Я). Борогонская модельная сельская библиотека подготовила тест: https://onlinetestpad.com/ixosab6gmeou2