Информация о материале

Автор: Super User

    С.С. Васильев-Борогонскай аатынан улуустааҕы киин библиотекаҕа Аҕа дойдуну көмүскээччи күнүн көрсө , хорсун байыастарбыт Кыайыы туһугар бойобуой суолларын үйэтитэр " Вы нашей памятью хранимы и будете всегда живыми" кинигэни билиһиннэрии тэрээһинэ ыытылынна.Библиотека фойетыгар  Ийэ дойдуларын туһугар олохторун толук уурбут биир дойдулаахтарбыт сырдык мөссүөннэрин быыстапката туруоруллан, кинилэр үтүө  ааттара, хорсун быһыылара  үйэтитилиннилэр. Кинигэни ХИФУ президенэ Евгения Михайлова, биир дойдулаахпыт  филологическай факультет преподавателя Розалия Макарова кииннээн түмэн  таһаартардылар. Биһиги нэһилиэкпититтэн  2 байыас Алексеев Иннокентий Тимофеевич, Неустроев Митрофан Николаевич ааттара үйэтитилиннилэр, салгыы тахсар кинигэҕэ Сухов Николай Николаевич, Атасов -Саввинов Николай Иванович үйэтитиллэн киириэхтэрэ.Кинигэ тахсыытыгар бары кыһамньытын ууран, сыралаһан үлэлэспит СӨ култууратын үтүөлээх үлэһитэ, кииннэммит библиотека бочуоттаах директора Варвара Окоемоваҕа ,библиотека электроннай ресурсатын библиотекарыгарТамара Орловаҕа, үйэтитиигэ  үлэлэспиттэргэ, көмөлөспүттэргэ  буойуттар дьиэ кэргэттэрин ааттарыттан махтал тыллар этилиннилэр.

Информация о материале

Автор: Super User

     Сэһэн Ардьакыап аатынан улуустааҕы түмэлгэ, Бороҕон нэһилиэгин "Көмүлүөк" үһүс саас оскуолатын талба талааннааҕа , уран тарбахтаах иистэнньэҥ Анастасия Габышева "Арыллыым өбүгэлэрбиттэн, иэйиим  итэҕэлбиттэн"  айар быыстапката аһылынна. Кини таба тыһыттан аттаран, олбох тигиитигэр маастар кылааһы ыыппытын олус сэргээтилэр.Уус уран быыстапка  түмэлгэ олунньу  26 күнүгэр диэри турар. Улуус, республика Олоҥхо ыһыахтарын уран  быыстапкаларын кыайыылааҕа, Анастасия Габышева үлэлэрин сэргээн көрөргүтүгэр.

Информация о материале

Автор: Super User

Кинигэни таптааччылар куруһуок оҕолоро А.Р. Халдеева аатынан олохтоох библиотеканы кытта  ыкса ситимнээхтик үлэлииллэр. Ол курдук 5 кылаас үөрэнээччилэрэ , кылаас салайааччыта Софронова Р.Е.  улуу нуучча суруйааччыта  Николай Васильевич Гоголь- " Ночь перед Рождеством " айымньытыгар,  афиша күрэҕэр  иккис миэстэни ыллылар.

Информация о материале

Автор: Super User

   Ийэ тыл , сурук-бичик декадатын чэрчитинэн, А.Р.Халдеева аатынан нэһилиэк библиотекатыгар 12 сылын ыытыллар “Сахалыы дьыктаан”өрөспүүбүлүкэтээҕи  аахсыйатыгар 13 улахан киһи , ол иһиттэн “Тумулчаана” уһуйаан коллектива -Барашкова Л.С. сылын аайы көхтөөхтүк кытталлар. “Таптыыр сахам тылынан “өрөспүүбүлүкэтээҕи  дьыктааҥҥа  Тумул орто оскуолатын  37 үөрэнээччитэ, кылаас салайааччылара  Петрова В.П.,Софронова Р.Е.,Барашкова Нь.К. дьыктааны суруйтарыыга 4-5-7-8 кылаастарга  кыттыыны ыллылар. Дьыктаан суруйуутугар улахан дьоҥҥо   “Бастыҥтан бастыҥ суруксут”-6 киһи, “ Бастыҥ суруксут»-4 , «Үчүгэй суруксут”-3 киһи ылла. Оскуола оҕолоругар туйгун сыананы -5 үөрэнээччи , үчүгэй сыананы-24 үөрэнээччи, орто сыананы -5 үөрэнээччи ылла.Бастыҥ суруйуулар улуус библиотекатыгар ыытылыннылар.Дьыктааҥҥа уопсайа 50 киһи кытынна, ол иһиттэн 37 оҕо. Кыттыбыттарга туоһу суруктар, бастыҥнарга добун суруктар туттарыллаллар.

      Сурук-бичик күнүгэр анаан «Мин ийэ тылым-саха тыла” кинигэ быыстапката сырдатылынна, “Лингвист-учуонай Семен Андреевич Новгородов олоҕо, айар үлэтэ медиапрезентациянан көрдөрүллэн сырдатылынна. Тэрээһиҥҥэ  “Өркөн–өй” интеллектуальнай оонньуу  хамаандаларынан ыытылынна.Саамай элбэх 10 очкону ылан “Сахалар” хамаанда кыайыылааҕынан ааттанна.Оонньууга 6 киһи кыттыыны ылла.

Ааҕааччыларга “Ийэ тыл, сурук-бичик” күнүгэр аналлаах онлайн тест биктэриинэ ыытылынна.