Информация о материале

Автор: Super User

     Улуустааҕы оҕо библиотеката VI Республиканскай ааҕар дьиэ кэргэттэр фестивалларын чэрчитинэн ыыппыт  күрэҕэр,  Бороҕон нэһилиэгиттэн Аввакумовтар дьиэ кэргэн  "Самая творческая семья" анал аат кыайыылаахтарынан ааттаннылар. "Эрудиты"  ааҕар дьиэ кэргэн  хамаандата Национальнай библиотека , оҕо ааҕар киинин Дипломунан , кинигэтинэн наҕараадаланна. Аввакумовтар ааҕар дьиэ кэргэттэрин истиҥник эҕэрдэлээн туран, өссө ситиһиилэри баҕарабыт.

Информация о материале

Автор: Super User

  Бороҕон нэһилиэгин  иистэнньэҥнэрэ Анастасия Габышева, Наталья Тютрина, Элэһинтэн “Мичилий”  дьахталлар түмсүүлэрэ салайааччы Варвара Попова , анал байыаннай дьайыыга сылдьар байыастарга илиилэрин сылааһынан таҥас тигэн көмө акцияҕа кыттан, волонтердар күннэригэр улуус дьаһалтатын аатыттан истиҥ  эҕэрдэлэри туттулар. Улууспут бөлөҕө анал байыаннай дьайыы буола турар сиригэр, биир дойдулаахтарын көрсөн-кэпсэтэн,  үгүс  көмөлөрү  тиэрпиттэригэр барҕа махтал. Буойуттарбыт дойдуларыгар кыайыы көтөллөөх эргиллиэхтэрэ диэн эрэнэбит.

v

Информация о материале

Автор: Super User

Бороҕон нэһилиэгэр “И.А. Халдеев”-аатынан спортивнай кииҥҥэ , олохтоох дьаһалта уонна бэтэрээннэр сэбиэттэрэ -председатель Петр Черкашин көҕүлээһиннэринэн спортивнай күрэхтэр түөлбэлэринэн көхтөөхтүк ыытылыннылар. Ол курдук шахматка, шашкаҕа,теннискэ,дартска, хабылыкка,хаамыскаҕа уонна эстафетаҕа бэтэрээннэр бэрт эрийсиилээхтик кииристилэр. Уопсай түмүккэ «Эрэл» түөлбэ сал.Прасковья Петухова- I миэстэни, « Үргэл” түөлбэ сал. Мария Винокурова-II миэстэни, « Дьулуур» түөлбэ  сал. Наталья Капитонова-III миэстэни ыланнар грамоталарынан наҕараадаланнылар.Күрэх судьуйаларынан үлэлээтилэр: сол.баһылык Марсен Протопопов, спорт инструктор Афанасий Перевалов, физрук Иван Габышев.

Спорду көҕүлээн нэһилиэкпит спортсменнара, спортивнай кииҥҥэ инвентардары бэлэхтээтилэр,  олохтоохтор  доруобуйаларын тупсарыналларыгар махталлара улахан.

Информация о материале

Автор: Super User

  Улууска хомус декадатын чэрчитинэн, биллиилээх  олоҥхоһут, сэһэнньит, чабырҕахсыт Арамаан Бөтүрүөбүс  Өлөксөөйөп-Бөҕө Арамаана төрөөбүтэ 125сылынан, Улуу Кыайыы 80  сылынан Аҕа дойду  сэриитин кыттыылааҕа икки сулус орден  кавалера, олоҥхоһут  Лаврентий Петрович Новогодин  аатынан  улуустааҕы  «Дьиэрэй”  фольклорнай күрэххэ Бороҕон нэһилиэгиттэн  “Түмсүү” норуот айымньытын киинин иһинэн  үлэлиир  “Тэтим”  фольклорнай  бөлөх  Татьяна Габышева салайааччылаах  кыттаннар  2 миэстэни ылан  грамотанан, өйдөбүнньүк бэлэҕинэн наҕараадаланнылар.

Улуустааҕы Олоҥхо дьиэтигэр, Дүпсүн  нэһилиэгин бочуоттаах олохтооҕо, педагогическай үлэ бэтэрээнэ,  «Ситим”  хомусчуттар ансамбылларын төрүттээччитэ  “Кэскил”  СӨ оҕо образцовай ансаамбылын төрүттээччилэртэн биирдэстэрэ Соловьева Мария Михайловна аатынан II-с аһаҕас  Илин эҥэрдээҕи хомусчуттар  “Хомус ситимэ”   күрэстэригэр  “Тэтим” бөлөх Татьяна Габышева салайааччылаах кыттаннар – I Үрдэл кыайыылаахтарынан ааттаннылар, бу күрэххэ көхтөөх кыттыыны ыллылар Тумул орто оскуолатын 5кылааһын үөрэнээччилэрэ, “Дьүрүлгэн” фольклорнай бөлөх салайааччылар Раиса Софронова, Татьяна Габышева. Фольклорнай бөлөхтөрбүт сылын аайы ыытыллар күрэхтэргэ ситиһиилээхтик кытталларыттан үөрэбит, астынабыт.