Информация о материале

Автор: Super User

       Ежегодная Всероссийская акция « Библионочь 2026» в Борогонской сельской библиотеке им: А.Р. Халдеевой   прошла под девизом « Единство народов-сила России!» посвященной к году Культуры РС(Я) и к году Единства народов России РФ.

       В рамках мероприятия были организованы книжные выставки, беседы, конкурсы, интеллектуальные игры и. т. д. Особое внимание уделили к национальным традициям и культуре: посетители были в национальных костюмах, представляли национальные вкусные блюда и делились богатством культурных традиций разных народов многонациональной России. Посетители с удовольствием исполняли душевные песни под баян, создавая теплую, дружескую  и душевную атмосферу. Всем участникам вручены сертификаты, а победители получили памятные призы. Библионочь - прошла на высоком организационном уровне, все посетители были очень довольны мероприятией.

Информация о материале

Автор: Super User

    Бэҕэһээ улуустааҕы олоҥхо дьиэтигэр, " Уус Алдан уран уустарын быыстапкатын туһулгэтигэр, Бороҕон нэһилиэгиттэн СӨ норуотун маастара Евдокия Игорьевна Прокопьева , “Көмүлүөк” үһүс  саас оскуола түмсүүтүттэн улуус норуотун маастара Сардаана Иннокентьевна Стрекаловская, олоҥхо ыһыахтарын уран быыстапкаларын  кыайыылааҕа Анастасия Гаврильевна Габышева, уран тарбахтаахтарбыт Татьяна Егоровна Габышева, Ирина Иннокентьевна Черкашина, Светлана Александровна Прудецкая кыттыыны ыллылар.  Уран уустар быыстапкаларын түһүлгэтин  үөрүүлээх  чааһыгар  талба талааннаах иистэнньэҥмин Габышева Анастасия Гаврильевна- улуус норуотун маастарын удостоверениятын, бэлиэтин ылан,   нэһилиэкпитигэр өссө  биир норуот маастара эбиллэн үөрүүбүт үрдээтэ. "Уус Алдан уран уустарын түһүлгэтин" быыстапкатын  "Өбүгэ  таҥаһа" - оҕо, дьахтар, эр  киһи  өбүгэ  үгэһинэн  тигиллибит таҥастарын кыайыылаахтарынан ааттаннылар: Анастасия Габышева -"I Үрдэл" Тумул , Евдокия Прокопьева  -"II Үрдэл" Тумул ,  бу  улахан быыстапкаҕа сүрэхтэммит кыттааччылар бары туоһу суругунан бэлиэтэннилэр, инникитин уран иистэнньэҥнэрбит, кылдьыттарбыт   айар-уус талааннара  арыллан иһиэҕэ.

     Биир дойдулаахпыт, улуус норуотун маастара Прасковья Бочкарева  «Кыл куруһуба оһуора” уус-уран оҥоһуктарын 15 сыллаах айар быыстапкатын аһыллыытыгар  кыттыыны ыллыбыт. Айар  быыстапка  үрдүк таһымҥа ааста. Талба талааннаахтарбытын, маастардарбытын,  СӨ норуотун маастардарын күнүгэр аналлаах быыстапкаҕа ситиһиилээхтик кыттыбыккытынан эҕэрдэлээн туран, өссө да үрдүк ситиһиилэри, айар уус талааҥҥыт арыллан, бар дьон сэҥээриитин ыла турун.

Информация о материале

Автор: Super User

   Тумул орто оскуолатын үөрэнээччилэригэр, байыаннай-патриотическай месячник уонна Аҕа дойдуну көмүскээччилэр күннэрин чэрчитинэн урок мужества «Якутяне Герои России СВО», « Не померкнут эти дни…» кинигэ быыстапката сырдатыллан ыытылынна. Анал байыаннай дьайыыга , эйэлээх олох туһугар эр санааны ылынан, Ийэ дойдубутун көмүскүү сылдьар уолаттарбытын медиапрезентациянан сырдатан кэпсээтэ нэһилиэк  библиотекара Светлана Прудецкая. Анал байыаннай дьайыыга  олохторун толук биэрбит хорсун буойуттарбыт, сырдык ааттара   “Вы нашей памятью хранимы и будете всегда живыми” кинигэҕэ Алексеев Иннокентий Тимофеевич, Неустроев Митрофан Николаевич чугас дьоннорун, доҕотторун ахтыылара, сырдык мөссүөннэрэ  үйэтилиннилэр, иккис кинигэҕэ анал байыаннай дьайыыга  олохторун толук уурбут  буойуттарбыт Сухов Николай Николаевич, Атасов-Саввинов Николай Иванович үйэтиллэн киириэхтэрэ. “Алеша” танка экипаһын, Россия Геройун Неустроев Алексей Михайлович хорсун быһыытын сырдатан, педагог-библиотекарь Сардаана Стрекаловская бэсиэдэ оҥордо.  Биир дойдулаахтарбыт, хорсун  буойуттарбыт сырдык ааттара өрүү тыыннаах, кинилэринэн киэн туттабыт.

Информация о материале

Автор: Super User

   Улууспут киинигэр Бороҕоҥҥо олунньу 21-22 күннэригэр, киэн туттар биир дойдулаахпыт  ССРС, РСФСР, Саха АССР спордун маастара, РСФСР спордун ветерана, СӨ Үтүөлээх тренерэ,СӨ үөрэҕириитин туйгуна, Уус Алдан улууһун уонна Бороҕон нэһилиэгин бочуоттаах олохтооҕо Иннокентий Андреевич Халдеев аатынан Республиканскай хапсаҕай турнира 27 төгүлүн үрдүк таһымҥа ыытылынна. Өрөгөй түһүлгэтигэр Иннокентий Халдеев төрөөбүтэ 85  сылыгар  аналлаах быыстапканы  Бороҕон нэһилиэгин А.Р.Халдеева аатынан  сельскай  библиотека туруорда. Быыстапкаҕа  олохтоох библиотека, музей  фондаларыттан кинигэлэр, матырыйааллар туруоруллан сырдатылыннылар. Ол курдук Иннокентий Андреевич спортка, тренерскэй үлэтигэр ситиһиилэрэ, селькор быһыытынан хаһыакка суруйууларын паапкалара, Бороҕон нэһилиэгин спортка историята, киэн туттар  нэһилиэкпит спордун маастардарын, кандидаттарын , "Халдеев уолаттара" түмсүү туһунан сырдатыллан, таҥыллан оҥоһуллубут библиотека альбома,  олоҕун аргыһа Мария Романовна, оҕолоро оҥотторбут “Халдеевтар” төрүччүлэрэ,  аҕаларын үтүө аатын,  дьоһун олоҕун, таһаарыылаах үлэтин  үйэтитэн  таһаартарбыт кинигэлэрэ  туруоруллан, ыраахтан кэлбит ыалдьыттар, спортка уһуйуллубут  спортсменнар , күрэхтэһээччилэр киэҥ сэҥээриилэрин ылла. Бу улахан тэрээһиҥҥэ улууспут Сэһэн Ардьакыап аатынан түмэлэ, Россия спордун ветерана, СӨ Үтүөлээх тренерэ, улуус бочуоттаах олохтооҕо  Иннокентий Андреевич Халдеев чаҕылхай олоҕун,  спортка үрдүк ситиһиилэрин, тренерскэй үлэтин  хаартысканан сырдаппыттарын болҕойон көрдүлэр,  Иннокентий Андреевич тутта сылдьыбыт бэлэх малларын быыстапкаҕа туруорбуттара олус кэрэхсэбиллээх.