Информация о материале

Автор: Super User

    Бороҕон нэһилиэгин иистэнньэҥнэрэ анал байыаннай дьайыыга сылдьар байыастарга,  Анастасия Габышева, Наталья Тютрина, Элэһин "Мичилий" дьахталлар түмсүүлэрэ, салайааччы  Варвара Попова ичигэс таҥас тигэн күүс-көмө буоллулар. Бугун Арассыыйаҕа волонтер күнэ бэлиэтэнэр. иистэнньэҥ волонтердарга  истиҥ эҕэрдэлэри  улуус дьаһалтатын аатыттан туттардылар.Волонтер иистэнньэҥнэрбит, илиигит сылааһынан тикпит таҥастаргыт, кыайыыга кынаттыахтара.

Информация о материале

Автор: Super User

Приглашаем всех принять участие в онлайн викторине "Якутский героический эпос -Олоҥхо"-https://onlinetestpad.com/7vmt5oduct5ui

Информация о материале

Автор: Super User

Приглашаем всех  принять участие в онлайн викторине: " Якутский хомус-лучший варган Мира"-https://onlinetestpad.com/t/UAtumulbiblioteka

Информация о материале

Автор: Super User

    2005 сыллаахха ЮНЕСКО олоҥхону киһи-аймах чулуу айымньытынан билиммитэ. Олоҥхо –норуот тылынан уус-уран айымньытын кылаан чыпчаала, бары күндүтэ мустубут түмэлэ. Олоҥхо саха норуотун энциклопедията-дьыктаан иннинэ сырдатыыны библиотекарь Светлана Александровна  оҥордо.

Олоҥхо күнүгэр   Өрөспүүбүлүкэтээҕи «Олоҥхо дьыктаана-2025” аахсыйаҕа  кыттан “А.Р. Халдеева” аатынан нэһилиэк библиотекатыгар дьыктаан ыытылынна. Кыттааччылар  И.И .Бурнашев-Тоҥ Суорун “ Сылгы уола Дыырай бухатыыр” олоҥхоттон “ Сир Ийэ дойду айыллыыта”  түһүмэхтэн быһа тардыыны суруйдулар. Дьыктааны суруйтарда библиотекарь  Прудецкая С.А., дьыктааны бэрэбиэркэлээтилэр Софронова Р.Е., Кондакова В.В. Түмүккэ “Бастыҥтан бастыҥ суруксут” аатын Габышева Татьяна Егоровна, Барашкова Лидия Степановна, Кондакова Валентина Васильевна, Стрекаловская Сардаана Иннокентьевна ыллылар. Кыттыбыттарга  махтал суруктар, бастыҥнарга добун суруктар туттарылыннылар.

Олохтоох библиотекаҕа, олоҥхо декадатын чэрчитинэн алын, орто сүһүөх кылаастар  үөрэнээччилэригэр оскуола, нэһилиэк библиотекардарын  көҕүлээһиннэринэн тэрээһиннэр ыытылыннылар. Кинигэ быыстапката:  “Мин  дойдум-олоҥхо дойдута”-быыстапка сырдатылынна,  “Тыл күүһүн кылаан чыпчаала-Олоҥхо”-бэсиэдэни ыытта педагог библиотекарь Сардаана Иннокентьевна.

Медиослайд: “Олоҥхо саха норуотун энциклопедията» көрдөрөн,  сырдатан кэпсээтэ библиотекарь Светлана Александровна.

 

Олоҥхо декадатын чэрчитинэн, олохтоох библиотекаҕа улуус норуотун маастара Сардаана Иннокентьевна кылынан-сиэлинэн ситии хатыытыгар маастар кылаас ыытта. Кылынан-сиэлинэн дьарыктанарга баҕалаахтар кэлэн маастар кылааска үөрэннилэр. Ол курдук түһүмэхтэринэн  сууйуу, кырыйыы, наардааһын, утахтарга арааран станокка хатыыны көрөн-үөрэнэн астынан тарҕастылар.

Орто сүһүөх кылаастарга “Олоҥхо ыллыктарынан айан” интеллектуальнай  оонньуу ыытылынна.Үөрэнээччилэр үс хамаандаҕа арахсан көхтөөхтүк оонньоотулар. Дьүүллүүр сүбэ быһаарыытынан саамай элбэх баалы ылан “Сэһэн Сиэннэрэ”  хамаанда–I миэстэни, “Олоҥхоһуттар” хамаанда –II миэстэни, “Ньургун Боотур” хамаанда- III миэстэни ылары ситистилэр.

Алын кылаас үөрэнээччилэригэр "Олоҥхо саха норуотун  барҕа баайа" -кылаас чаастара оскуолаҕа  тэрээһиннээхтик ыытылыннылар. Олохтоох библиотекаҕа үөрэнээччилэр библиотечнай уруоктарга  олоҥхо  үс дойдутун, олоҥхо дьоруойдарын, орто дойду айыллыытын туһунан билистилэр.  “Мин дойдум олоҥхо дойдута” кинигэ быыстапкатын сэргээтилэр.

      

Тумул орто оскуолатын “Арылы” олоҥхо куруһуогун оҕолоро, салайааччылар Сокольникова Акулина Степановна, Аввакумова Людмила Михайловна үөрэтиилэринэн-дьарыктааһыннарынан, улуустааҕы “Олоҥхону толорууну утумнаахтык” олоҥхо  күрэҕэр биирдиилээн, бөлөҕүнэн толорууга, олоҥхону чинчийии конференцияҕа куруһуок оҕолорор ситиһиилээхтик кыттан- III бочуоттаах миэстэни ылан Дьокуускай куоракка республиканскай күрэххэ кыттар чиэстэннилэр. Биирдиилээн толорууга Мальцева Рема –II миэстэ, Барашков Даниил “Дорҕоонноох тойуксут” анал ааты ыллылар. Олоҥхону чинчийиигэ  5 оҕо кыттыбытыттан Мальцева Рема –I миэстэни, Иванова Виолетта-3 миэстэни ылан үөрүүлэрэ үрдээтэ.

Нэһилиэкпитигэр Олоҥхо, хомус декадатын чэрчитинэн «Өбүгэ ситимин удьуордаан” фольклор дьоро киэһэтэ « Түмсүү” норуот айымньытын киинигэр культура үлэһиттэрин көҕүлээһиннэринэн бэрт сэргэхтик ыытылынна. Кыттыыны ыллылар: "Тэтим" фольклор бөлөҕө, "Далбар" , "Дьүөгэлиилэр" дьахталлар ансаамбыллара, "Дьүрүлгэн"  Тумул орто оскуолатын оҕо фольклор бөлөҕө, "Дьүрүйэчээн", "Арылы" 4-3 кылаастар үөрэнээччилэрэ,  "Сэһэн Сиэннэрэ" "Тумулчаана"  уһуйаан иитиллээччилэрэ, сыана бэтэрээннэрэ Анна Алексеева, Василий Новоприезжий, биирдиилээн ырыаһыттар  норуот ырыаларынан кэнсиэри киэргэттилэр.Тэрээһин  күргүөм оһуохайынан, хаартыскаҕа түһүүнэн түмүктэннэ. Сахабыт төрүт ырыата-тойуга, үйэлэри уҥуордаатын.