Информация о материале

Автор: Super User

                                                                                                               Ийэ тыл, сурук-бичик нэдиэлэтэ

      Саха бастакы лингвист –учуонайа , саха суругун- бичигин  төрүттээччи  С.А.Новгородов төрөөбүтэ130 сылынан уонна Ийэ тыл сурук- бичик күнүгэр аналлаах  “Таптыыр Сахам тылынан...” нэдиэлэ ыытылынна. А.Р.Халдеева аатынан модельнай библиотека ааҕааччылара зуумунан ыытыллыбыт «Сахалыы дьыктаан” суруйуутугар көхтөөхтүк кытыннылар. Ол курдук ветеран учууталлар Протопопова З.И., Халдеева М.Р. махтал суругунан ,Копырина Е.М.-“Бастыҥтан, бастыҥ суруксут”, Софронова Р.Е.-“ Бастыҥ суруксут”, Петрова В.П.-“Үчүгэй суруксут” анал ааттары ылан Национальнай библиотека Добун суруктарын туттулар. Саха АССР юбилейдаах 100 сылыгар, ийэ тыл, сурук-бичик күнүгэр аналлаах куйаар ситиминэн, аҕа саастаахтарга “ Саас ылбат буочара...” республиканскай кыраһыабай буочар күрэҕэр ,аҕам саастаах ааҕааччылар: Новоприезжая М.А.,Халдеева М.Р., Протопопова З.И. кыттан Туоһу суругунан бэлиэтэннилэр. «Төрөөбүт төрүт тылга таптал»- куйаар ситиминэн, уус –уран ааҕыыга үһүс саас оскуола чилиэннэрэ Петухова Н.С., Заровняева П.Н., Васильева Р.Ф. хоһоонунан кытыннылар. Улуустааҕы “Ийээ, остуоруйата кэпсээ” күрэххэ Мальцевтар дьиэ кэргэн 3 миэстэни ыллылар , Петухова Н.С. сиэнинээн Камилалыын кытыннылар. Ийэ тыл, сурук-бичик күнүгэр аналлаах биир дойдулаахтарбыт, олохтоох ааптардар Аржакова –Иванова Н.А., Находкина Т.П. айымньыларынан тургутукка элбэх ааҕааччы кытынна. Ааҕааччылар “Саха тыла-өркөн өйбүт» биктэриинэҕэ кыттан махтал суруктарынан бэлиэтэннилэр: Алексеева А.П., Макарова А.П., Стручкова И.С. Түмүккэ биктэриинэ Чыпчаал кыайыылааҕа Соломонова Е.И., 1 үрдэл-Копырина Е.М., 2үрдэл- Халдеева М.Р., 3 үрдэл- Васильева Р.Ф. кыайыылаахтарынан ааттанныллар. Республиканскай “Чуораанчык”, “Кэскил” хаһыат тэрийбит “ Саха өһүн хоһооннорунан чинчийиитэ оҥор» күрэх кыайыылааҕынан Айыллаана Мальцева ааттанна. Саха тылын республикатааҕы олимпиадатыгар В.М.Прокопьев аатынан Тумул орто оскуолатын 4 кылааһын үөрэнээччилэрэ  “Үһүс үрдэл” кыайыылаахтарынан ааттаннылар: Петухова Виолетта, Габышева Вика, Васильева Наина  көхтөөхтүк кытыннылар: Егоров Арылхан, Лексякуна Милана, Никифорова Нарыйаана, Терентьев Айтал. Кыайыылаахтар ,кыттааччылар, салайааччы Петрова В.П. дьүүллүүр сүбэ дипломнарын туттулар. “ Биһиги ийэ тылбыт дууһаны долгутар, өйү үлэлэтэр күүстээх-кыахтаах, имэҥнээх-илбистээх кэрэ-дьикти тыл”, -диэн тыл маастара В.М. Новиков-Күннүк Уурастыырап бэргэнник эппитэ.

Информация о материале

Автор: Super User

Саха сирин суруйааччыларын уонна суруналыыстарын Сойуустарын чилиэнэ, суруйааччы Надежда Алексеевна Аржакова-Иванова  утум-ситим уонтан тахса кинигэни суруйан таһаартарбыта.

90-с сыллар саҕаланыыларыгар Н.А.Аржакова-Иванованы дьон-сэргэ аан бастаан эмчит, көрбүөччү, ичээн быһыытынан билсибиттэрэ. Нэһилиэктэргэ, Дьокуускайга сылдьан сахалыы көрүүлэрин туһунан лекцияларыгар дьон тоҕуоруһа мустара. Кинигэлэрэ "Айылҕа-Киһи-Общество" кистэлэҥнэрин таба таайарга анаммыт дириҥ философскай  суолталаахтар. Н.А.Аржакова-Иванова үгүс суруйууларыгар саха норуотун инники дьылҕатыгар этэр санааларын республикабыт салайааччылара эмиэ болҕомтоҕо ылбыттара.Ол курдук  " Ытык сир, Ымыы сир, Ыйаах сир ыҥырар" диэн боппуруоһу көтөхпүтэ." Ытык сирдэр" диэн ыстатыйата оскуолаҕа төрүт культура программатыгар бигэргэтиллэн, 1996с " Саха төрүт культурата" Vчааһыгар киирбитэ. 1998с "Ытык Кэрэ сирдэр" Саха Өрөспүүбүлүкэтин государственнай программата ылыныллыбыта. Надежда Алексеевна иэйэр куттаах хоһоонньут, кини хоһоонноро ырыа буолан тарҕаммыттара. Нэһилиэк библиотеката, улуустааҕы кииннэммит библиотека ыытар ааҕыы күрэхтэригэр көхтөөхтук кыттар, 2014сыллаахха Национальнай библиотека ыыппыт Республиканскай күрэҕэр кыттан " Чтение-вперед" номинация кыайыылааҕа буолбута.

 Ийэ тыл,сурук-бичик күнүгэр аналлаах, ааптар Н.А.Аржакова-Иванова айымньыларынан тургутук. https://onlinetestpad.com/gmlhgffsy7srk

Информация о материале

Автор: Super User

Бороҕон нэһилиэгин модельнай  библиотекатын  иһинэн   "Бөрүө" айар куттаахтар  куруһуоктара үлэлиир. Нэһилиэк олохтоох ааптара, РФ суруйааччыларын, суруналыыстарын сойуустарын чилиэнэ, РФ үтүөлээх учуутала, СӨ үөрэҕириитин туйгуна Татьяна Петровна Находкина юбилейдаах сааһын көрсө 13-с  кинигэтин таһаартараары айар үлэ үлүскэнигэр сылдьар. "Ньоҕой эрэл" диэн ааттаммыт  кинигэтигэр билиҥҥи, аныгы олох кыһалҕалара сырдатыллыахтара. Кинигэҕэ  4 сэһэнэ, 8 кэпсээннэрэ киирэн, ааҕааччы киэҥ араҥатын үтүөҕэ-кэрэҕэ сирдиэхтэрэ. 

А.Р.Халдеева аатынан Бороҕон нэһилиэгин библиотеката, ааптар Находкина Т.П. аналлаах тургутукка кыттаргытыгар ыҥырар: https://onlinetestpad.com/hgtn3vcgveac6

Информация о материале

Автор: Super User

Бороҕон нэһилиэгин А.Р.Халдеева аатынан модельнай библиотеката "Ийэ тыл, сурук -бичик"- күнүгэр аналлаах тургутукка кыттаргытыгар ыҥырар.

 Өс хоьооннорун ситэрии тургутуга https://onlinetestpad.com/zflkfafzksuek

 Ийэ тыл, сурук-бичик кунугэр аналлаах тургутук  А. Р. Халдеева аатынан Бороҕон нэһилиэгин модельнай библиотеката https://onlinetestpad.com/57xjh4r3oh6yy