Информация о материале

 

Улууспут “Мүрү саһарҕата” хаһыат  иккис аҥарыгар Улуу Кыайыы 80 сылынан “Бэтэрээҥҥэ суруйтар” аахсыйаҕа кыттыһан нэһилиэкпит олохтоохторо  сурутууну бэлэхтээтилэр. Ааҕыыны көҕүлээн, сурутууну ыыттылар оскуола педагог библиотекара Сардаана Иннокентьевна Стрекаловская, нэһилиэк библиотекара Светлана Александровна Прудецкая.Ааҕааччыларбытыгар, спонсордарбытыгар библиотекардар ааттарыттан махтанабыт.

Сурутууну сэрии оҕолоругар, үлэ бэтэрээннэригэр бэлэхтээтилэр

  1. Үлэ ветерана Халдеева Мария Романовна- спонсордар:Прудецкая С.А., Стрекаловская С.И.
  2.  Үлэ ветерана Охлопкова Екатерина Васильевна-спонсор Петрова В.П.
  3.  Сэрии оҕото, үлэ ветерана Барашкова Раиса Тихоновна-спонсордар: Поротова А.М., Протопопова М.С.
  4.  Сэрии оҕолоро, үлэ ветераннара Васильева Мария Михайловна, Васильев Михаил Михайлович –спонсор Парникова А.М.
  5.  Үлэ ветерана Колесова Екатерина Николаевна-спонсор Протопопова Л.С.
  6.  Үлэ ветерана Сокольникова Александра Степановна-спонсордар: Копырина Е.Н., Давыдова О.К.
  7.  Үлэ ветерана Габышева Татьяна Егоровна-спонсордар Софронова Р.Е., Алексеева Л.П.
  8.  Сэрии оҕото, үлэ ветерана Протопопова Зоя Ивановна –спонсор Макарова С.А.- Почта Росси.
  9. Үлэ ветерана Новоприезжая Татьяна Устиновна-спонсор Тумул врачебнай амбулаторията
  10.  Сэрии оҕото, үлэ ветерана Чичигинаров Ю.Е.-спонсор Попова Л.П.
  11.  Үлэ ветерана Габышева Мария Афанасьевна-спонсор Аржакова -Иванова Надежда Алексеевна.
  12. Үлэ ветерана Находкина Татьяна Петровна-спонсор Барашкова Нюргуяна Коммунаровна.
  13.  Үлэ ветерана Новоприезжая Матрена Афанасьевна-спонсор Алексеева Любовь Афанасьевна.

 Ааҕааччылар “Мүрү саһарҕата”  хаһыатка  суруйтардылар

1.Стрекаловская С.И.

2.Макарова А.П.

3.Алексеев Тимофей Иннокентьевич.

4.Петухова Любовь Петровна.

5.Винокурова Мотрена Васильевна.

 Мүрү саһарҕата хаһыат редакциятын махтала

«Мүрү саһарҕата» хаһыат Кыайыы 80 сылынан «Бэтэрээҥҥэ суруйтар» аахсыйатыгар улууспут нэһилиэктэрэ, тэрилтэлэрэ көхтөөхтүк кытталлар. Тумул бөһүөлэгин А.Р. Халдеева аатынан олохтоох модельнай бибилэтиэкэ бибилэтиэкэрэ, хаһыат уопсастыбаннай кэрэспэндьиэнэ Светлана Прудецкая уонна оскуола бибилэтиэкэрэ Сардаана Стрекаловская сурутууну көхтөөхтүк көҕүлээн 20 киһи хаһыакка суруйтарда. Ол иһигэр биэс  сэрии оҕотугар хаһыакка сурутууну бэлэхтээтилэр. Редакция аатыттан Светлана Александровнаҕа, Сардаана Иннокентьевнаҕа уонна улууспут хаһыатыгар суруйтарбыт, үтүө аахсыйаҕа кыттыһан сурутууну бэлэхтээбит Тумул бөһүөлэгин олохтоохторугар барҕа махталбытын тиэрдэбит.

Почта России 

"Почта России"- Бороҕон нэһилиэгин почтатын  начальнига Северина Макарова "Ветераҥҥа сурутун" акцияҕа кыттыбыт уонна сурутууну ыыппыт библиотекардарга Сардаана Иннокентьевнаҕа, Светлана Александровнаҕа махтанан туран, почта сурутууга былаана 100% туолбутун иһитиннэрэр.

Информация о материале

«А.Р. Халдеева” аатынан модельнай библиотекаҕа, Арассыыйа   библиотекатын  күнүгэр тэрээһин ыытылынна. Тэрээһин тосхоло: Библиотека историятын, көрдөрөр медиапрезентация сырдатылынна-библиотекарь Прудецкая С.А. Бэсиэдэ  “Кинигэни кытта ситим”-айар куттаах хоһооннорун, кинигэлэргэ ахтыыларын билиһиннэрдэ, сэрии бэтэрээнигэр Протопопов Серафим Михайлович сырдык кэриэһигэр анаан “ Өйдөбүнньүк оһуохай” тылын суруйбутун аахта ааптар, педагогическай үлэ ветерана Зоя Ивановна Протопопова.  Бэсиэдэ “Дьахтар кута өбүгэ ситимэ”- кэпсээтэ педагог библиотекарь Сардаана Иннокентьевна Стрекаловская. “Саха сатаабатаҕа суох”- нэһилиэкпит талба талааннааҕа иистэнньэҥ идэлээх, «Уран уустар” улуустааҕы  быыстапка кыайыылааҕа, Өрөспүүбүлүкэтээҕи “Якутия мастеровая” быыстапкаҕа  “Лучший национальный костюм” анал номинацияҕа бочуотунай грамотанан бэлиэтэммит  Анастасия Гаврильевна Габышева түүлээхтэн, сарыыттан, солкоттон уо.д.а матырыйааллартан, өбүгэ таҥаһын сөргүтэн тикпит  үлэлэрин быыстапкаҕа туруоран көрдөрөн билиһиннэрбитэ кэрэхсэннэ. Нэһилиэкпит талба талааннааҕа Татьяна Егоровна Габышева уус-уран оҥоһуктарын кылтан, түүлээхтэн оҕуруонан киэргэтэн тикпитин көрдөрөн кэпсээтэ, сувенирнай луоскаларын  коллекцията биһирэннэ. Маастар кылаастарга сылдьан үөрэнэн, кыбытык дьэрэкээн ииһинэн тикпит харысхала, сумочката, саҥа саҕалаабыт кылтан-сиэлтэн таблеткатын Анна Федотовна Алексеева көрдөрөн кэпсээтэ. Кылтан-сиэлтэн оҥоһуктарын быыстапкаҕа аҕалан көрдөрдө, улуус норуотун маастара Сардаана Иннокентьевна Стрекаловская. Уран тарбахтаах иистэнньэҥнэрбит Сардаана Стрекаловская, Анастасия Габышева  Олоҥхо ыһыаҕар, быыстапкаҕа кыттарга бэлэмнэнэллэр.Сайыҥҥы күннэри  туһалаахтык атаарарга, үгүс тэттик сүбэлэр этилиннилэр, санаа атастаһан , уоппут үллэстэн, тэрээһинтэн кэрэ аҥардар сэргэхсийэн,  астынан тарҕастылар.Тэрээһин кыттыылаахтарыгар сертификаттар туттарылыннылар.

 

Информация о материале

«А.Р.Халдеева» аатынан модельнай сельскай библиотекаҕа ыам ыйын 21-23 күннэригэр регионнар икки ардыларынааҕы “Сила книги” республиканскай сетевой акциянан тэрээһин ыытылынна. Быйылгы тэрээһин Улуу Кыайыы 80 сылыгар ананна.Тэрээһиҥҥэ кыттыыны ыллылар ветеран учууталлар: РФ үөрэҕириитин туйгуннара, учууталлар учууталлара, Бороҕон нэһилиэгин бочуоттаах олохтоохторо Протопопова Зоя Ивановна, Сокольникова Акулина Степановна. Сэрии оҕото, ветеран учуутал Зоя Ивановна, буойун суруйааччы Тимофей Сметанин “Егор Чээрин” сэһэниттэн оҕолорго ааҕан иһитиннэрдэ. Краевед  учуутал , РФ президенын Гранын кыайыылааҕа Акулина Степановна “Аар хатын” ааптарскай кэпсээнин аахта. Оҕолор чуумпуран олорон олус сэргээн иһиттилэр. Үөрэнээччилэр үгүс ыйытыылары биэрдилэр, кэпсээннэри ырыттылар. Кэпсээннэргэ Аҕа дойду Улуу сэриитигэр саха саллаата, снайпер Егор Чээрин мүччүргэннээх, бойобуой , хорсун быһыылара кэпсэнэр. “Аар хатын” кэпсээҥҥэ сэрии оҕото, аар хатын барахсаны кытта кэпсэтиитэ, кинини кытта сэрии ыар сылларын, эттэринэн-хааннарынан билэн, кинилэр дьоһун суолталаах олохторо-дьаһахтара, ыарахан эриирдээх-мускуурдаах кэми ааспыттара кэпсэнэр. Бу кэпсээннэр, үөрэнээччилэри Ийэ дойдуга  бэриниилээх буолууга, аар айылҕалыын алтыһыыга ситимниир, үөрэтэр-такайар суолталаахтар. Хас биирдиибит  кыайыы туһугар олохторун толук биэрбит, бэтэрээннэрбитигэр сүгүрүйэр ытык иэспит. Кинилэр сырдык ааттарынан киэн туттабыт, холобур оҥостобут.Ветеран учууталлар үөрэнээччилэргэ туһаайан, элбэхтик библиотекаҕа сылдьан  үгүс кинигэни ааҕан, билиилэрин хаҥатан,  араас таһымнаах ааҕыыларга, конференцияларга кытталларыгар сүбэлэри биэрдилэр. “Сила книги” акцияҕа кыттыыны ылбыт учууталларга Зоя Ивановнаҕа, Акулина Степановнаҕа махтанан туран сертификаттары, биир дойдулаахпыт Татьяна Петровна Ильина бэлэх кинигэлэрин туттардыбыт, акцияҕа кыттыыны ылбыт оҕолорго сертификаттар туттарылыннылар. Тэрээһин бэрт сэргэхтик ааста.

Информация о материале

Саха сирин либеральнай-демократическай интеллигенциятын бас-көс киһитэ, бөдөҥ уопсастыбаннай-политическай деятель, бастакы редактор, драматург, журналист, Саха сиригэр публичнай библиотекалар  аһыллыыларын тэрийээччи, сырдыгы билиини тарҕатааччы Василий Васильевич Никифоров-Күлүмнүүр төрөөбүтэ 159сылыгар анаан, "А.Р.Халдеева" аатынан модельнай библиотекаҕа- “Саха Саарына В.В.Никифоров-Күлүмнүүр олоҕо, айар үлэтэ"  кинигэ быыстапката туруоруллан сырдатылынна,  В.В.Никифоров олоҕун, үлэтин, айымньыларын сырдатар бэсиэдэ ыытылынна.”Василий Васильевич Никифоров-Күлүмнүүр уонна народнай библиотека” медиаслайд көрдөрүллэн сырдатылынна.

            Ол курдук В.В. Никифоров-Күлүмнүүр 1866 сыллаахха, ыам ыйын18 күнүгэр Дүпсүн улууһугар төрөөбүтэ.Дьокуускайдааҕы прогимназияны бүтэрбитэ, кэтэхтэн юрист идэтин ылбыта. Кини XIX үйэ, 90-с сылларыгар улуус кулубатынан анаммыта. Кэлин Дьокуускайга статистика кэмитиэтигэр, уокурук суутугар таһаарыылаахтык үлэлээбитэ.1894-1896сс аатырбыт Сибиряков экспедициятыгар кыттыбыта, бу айан  түмүгүнэн  “Сахалар олохторо-дьаһахтара” диэн научнай этнографическай үлэни суруйбута. 1912с сахалар съезтэрин сүрүннээбитэ, салайбыта. Уобаластааҕы Земскэй управление тэрийээччитэ. 1919с Омскайга А.В.Колчак Временнэй Сибиирдээҕи бырабыыталыстыбата тэрийбит Государственнай экономическай сүбэ мунньаҕын кыттыылааҕа. XX үйэ саҕаланыыта  кинини былааһы утары барда диэн хаайбыттара, Иркутскай түрмэтигэр ыыппыттара. Онно сытан “Манчаары” пьесаны суруйбута. Сэбиэскэй былаас олохтоммутун кэннэ кинини иккитэ хаайбыттара. 1927сыллаахха сэбиэскэй тутулу утарааччылары  күөртээччи диэн сууттаммыта. 1928с балаҕан ыйын 15 күнүгэр Новосибирскай түрмэтигэр тыына быстыбыта. Күлүмнүүр  сыралаһан муспут кинигэлэрин төрөөбүт  нэһилиэгэр анаабыта, ол эрээри ол кэриэһэ туолбатаҕа. Ол кинигэлэрин суох оҥорбуттара, мэлиппиттэрэ. В.В. Никифоров  дьонугар сэргэтигэр, сырдыыгы-билиини тарҕатар, элбэх публичнай библиотекалары тэрийэри сүбэлээбитэ. Биир дойдулаахпыт, бөдөҥ общественнай деятель  В.В. Никифоров-Күлүмнүүр  сырдык аата, үлэтэ  норуотка тиллибитэ.

  1. Улуу Кыайыы 80 сыла
  2. Өркөн өй оонньуу күрэх