Информация о материале

     2025сыл Дойду үрдүнэн, Өрөспүүбүлүкэбитигэр Аҕа дойду көмүскээччилэрин сылларынан  уонна Улуу Кыайыы   80 юбилейдаах сылынан, “Библионочь-2025” Всероссийскай акция “Свои герои”  тиэмэ чэрчитинэн,А.Р.Халдеева аатынан олохтоох модельнай библиотекаҕа ыытылынна. Ол курдук “Дьоруойдарбытынан киэн туттабыт”-медиапрезентация таҥыллан сырдатылынна, “Кинилэр Албан ааттара үйэлэргэ сырдатыллар”, “Россия Героя М.М.Стрекаловскай” -кинигэ быыстапката туруоруллан кэпсэннэ. Анал байыаннай дьайыыга сылдьар биир дойдулаахтарбытын сырдатыы. «Дьоруой уолаттарбыт», « Василий Рожин-Уот сүрэх», автор Сергей Москвитин о герое СВО Василий Данилов « Я в тылу не останусь» кинигэлэри  сырдатта оскуола педагог библиотекара Сардаана Стрекаловская. Оскуола үөрэнээччилэрэ, учууталлар “Кыайыы дьыктаана” акцияҕа көхтөөхтүк кытыннылар. Библионочь тэрээһин кыттыылаахтара  Улуу Кыайыы 80 сылыгар ананан тахсыбыт, историческай карточканан оҥоһуллубут остуол оонньуутугар кытыннылар, кыайыылааҕынан Ирина Черкашина ааттанан, сэмэй бирииһинэн наҕараадаланна. Сэрии оҕото, ветеран учуутал Зоя Ивановна Протопопова  биктэриинэтигэр   Валентина Кондакова сөптөөх хоруйдары биэрэн кинигэ бэлэх тутта.Тэрээһин түмүктүүр чааһыгар “Ытык бэтэрээннэрбитин ахтан-санаан ааһыаҕын” төгүрүк остуол ыытылынна. Ахтыылары оҥордулар сэрии бэтэрээннэрин оҕолоро, чугас аймахтара: Анна Макарова, Татьяна Неустроева, Зоя Протопопова, Валентина Кондакова. Бу  библиотечнай акцияҕа  кыттыбыттарыттан, бары астынан-үөрэн тарҕастылар. Тэрээһини иилээн-саҕалаан ыыттылар: нэһилиэк библиотекатын библиотекара Светлана Прудецкая, оскуола педагог-библиотекара Сардаана Стрекаловская.

Информация о материале

 Бороҕон нэһилиэгэр “Түмсүү” сынньалаҥ киинигэр V төгүлүн Ксения, Егор Черкашиннар  сырдык кэриэстэригэр «Дьээбэ-Хообо» көр-күлүү күрэҕэ ыытылынна. Уопсайа 108 кыттааччы араас улуустартан,нэһилиэктэртэн кэллилэр. Ол курдук:Эдьигээнтэн,Үөһээ-Бүлүүттэн,Балаҕаннаах,Хоро,Далырнэһилиэктэрэ,Бүлүүттэн,Ньурбаттан,Чурапчыттан,Амматтан,Уус-Алдан нэһилиэктэриттэн Баатаҕай,Найахы,Бээди,Дүпсээ,Суотту,Сыырдаах. Күрэҕи дьүүллээтилэр: СР култууратын туйгуна Черкашин П.Е., Бороҕон нэһилиэгин солбуйар баһылыга: Протопопов М.С., Хаҥалас улууһун “Барҕарыы” култуура киинин уус-уран салайааччыта: Кондакова Л.М. Дьүүллүүр сүбэ быһаарыытынан “Муҥутуур чыпчаал”- кыайыылаах ааты Ньурбаттан “Айуу чэ”, I Үрдэл- Найахы “Көр-нар” бөлөх, сал: Гаврильев Дьулустаан, II Үрдэл- Тумул “Бэтэкэй Бэтиэкэлэрэ”, сал: Сухонина А.Е. III Үрдэл Бүлүү улууһун Чинэкэ нэһилиэгиттэн “Бэтиэхэлээх бэртэрэ”.

Кыайыылаахтарга Ксения, Егор Черкашиннар оҕолоро, сиэннэрэ, аймахтара олохтообут харчынан бириистэрэ, грамоталара, өйдөбүнньүк бэлиэлэрэ туттарылынна.Тэрээһин үрдүк таһымҥа ааста.

Информация о материале

   Бороҕон нэһилиэгэр Россияҕа,Республикаҕа Аҕа дойду көмүскээччилэр сылларынан,Улуу Кыайыы 80 сылын көрсө, республиканскай, улууснай  патриотическай ырыа күрэхтэрин Гран-При хаһаайката, лауреата Анна Петровна Алексеева сырдык кэриэһигэр аналлаах "Кыайыыны ырыанан уруйдаан" аһаҕас, республиканскай байыаннай-патриотическай ырыа күрэҕэ үрдүк таһымҥа  буолан ааста. Күрэххэ Мэҥэ- Хаҥаластан, Орто-Халыматтан, Намтан,Ньурбаттан, Уус-Алдан улууһун нэһилиэктэриттэн  уопсайа 27 кыттааччы кыттыыны ылла. Анна Петровна ситиһиилэрин, олоҕун  кэрдиис кэмнэрин кэпсиир "Олох устун ырыанан" быыстапка хомуллан сырдатылынна. "Кыайыыны уруйдаан"  ахтыы чааһын  "Түмсүү" сынньалаҥ киинэ иилээн саҕалаан ыытта. Ахтыы киэһэҕэ кыттыыны ыллылар: Анна Петровна быраата, Бороҕон нэһилиэгин дьаһалтатын баһылыга В.П.Алексеев, сыана ветерана дьүөгэтэ А.Ф.Алексеева, нэһилиэк модельнай библиотекатын сэбиэдиссэйэ С.А. Прудецкая, социальнай үлэһит А.М. Парникова, аҕам саастаахтар түмсүүлэри салайааччыта П.Е. Черкашин, бииргэ үөрэммит оҕолоро. Дьүүллүүр сүбэ быһаарыытынан "Чыпчаал кыайыылаах" ааты  ылла Николай Бурцев-Чараҥ олохтооҕо, киниэхэ А.П. Алексеева бииргэ төрөөбүт  балтын дьиэ кэргэнэ олохтообут , Улуу  Кыайыы 80 сылынан 80 тыһ сууммалаах  сертификаттара  Варвара, Иван Черемкиннар ааттарыттан туттарылынна. Көрөөччү биһирэбилэ ааты Афанасий Новоприезжай ылан Гоголевтар дьиэ кэргэттэрэ туруорбут 15тыһ. сууммалаах сертификаттарын тутта. Лауреаттарага , дипломаннарга, номинаннарга нэһилиэк тэрилтэлэрэ, общественнай түмсүүлэрэ, чугас аймахтара, култуура ветераннара олохтообут бириистэрэ туттарылынна. Кыттааччылар үөрэн-көтөн илии тутуурдаах, өттүк харалаах тарҕастылар.

 

 

Информация о материале

      Бороҕон нэһилиэгин А.Р. Халдеева аатынан модельнай библиотекаҕа улууска култуура салаата төрүттэммитэ 80 сылыгар анаан декада ыытыллан түмүктэннэ. Ол чэрчитинэн нэһилиэкпит библиотекатыгар хаһыс да төгүлүн, оҕо саастарыттан доруобуйаларынан хааччахтаах Тютрина Евдокия Степановна, Петухова Любовь Петровна уус-уран оҥоһуктарынан кытталлар. Кинилэр иккиэн олус талааннаахтар ,көхтөөхтөр,иллэҥ кэмнэрин олус туһалаахтык атаараллар.Ол курдук Евдокия  араас матырыйаалтан эргэ хаһыаттары килиэйдээн , улахан эһэни, табаны, жирафаны оҥорбута кэрэхсэнэр.Пластилинтан Улуу суруйааччы  А.С.Пушкин мөссүөнүн оҥорбута олус табыллыбыт.Искусственнай түүттэн,оҕуруону тиһэн араас сувенирдары, киэргэллэри  оҥорор.Любовь фоамирантан кырыйан килиэйдээн, сүрдээх кыраһыабай шкатулкалары ,паннолары ,араас киэргэллэри оҥорбута кэрэхсэнэр.Ол курдук одноразовай ложканан ромашка сибэккилэри, шкатулка киэргэллэрин оҥорбута ураты көстүү. Улуу Кыайыы 80 юбилейдаах сылыгар анаан  хордуонтан, пенопласстан кырыйан,байыаннай техникалары оҥорон туруорбуттарын ааҕааччылар олус сэргээтилэр.

  

  1. Культура декадата
  2. Сылгыһыт күнэ